“ಬಸವಣ್ಣನವರು ಮತ್ತು ಅವರ ಸಮಕಾಲೀನ ಶರಣರು ಮತ್ತು ಅವರ ವಚನಗಳು, ಪ್ರಸ್ತುತ ಕಾಲದ ಅಗತ್ಯತೆ, ಅವಶ್ಯಕತೆಯನ್ನು ಪೂರೈಸಬಲ್ಲವು. ದೇವರು ದೇವರೆಂದು ಸುಮ್ಮನೆ ಅಂಧಾನುಕರಣೆ ಬೇಡ. ಕಾಯ ಇದೆ ಎಂದ ಬಳಿಕ ‘ಕಾಯಕ’ ಮಾಡಬೇಕು. ಕಾಯಕದಲ್ಲಿಯೇ ಕೈಲಾಸ ಕಂಡವರು-ಶರಣರು. ಮೂಢ ನಂಬಿಕೆ, ಹಲವು ದೈವಾಚರಣೆಗಳನ್ನು ಶರಣರು ತಿರಸ್ಕರಿಸಿದರು. ತಮ್ಮ ತಮ್ಮ ಅರಿವಿನ-ಚೈತನ್ಯವನ್ನೇ ನಂಬಿ, ನಡೆಯಲ್ಲಿಯೇ ನುಡಿ ಪೂರೈಸಿದವರು. ಕಾಯಕ, ದಾಸೋಹಕ್ಕೆ ಮಹತ್ವ ಕೊಟ್ಟವರು-ಶರಣರು. ಅಂಥ ಮಹಾಪುರುಷರನ್ನೂ ಅವರ ವಚನ ಪ್ರಸಾರವನ್ನೂ ಮಾಡುತ್ತಿರುವ ‘ಬಸವ ಮೀಡಿಯ’ ಇನ್ನೂ ಹೆಚ್ಚು ಹೆಚ್ಚಾಗಿ ಶರಣರ ಬಗ್ಗೆ, ಅವರ ಕಾಯಕ, ದಾಸೋಹ ಕುರಿತು ಪ್ರಚಾರ ಮಾಡಲಿ. ಎಲ್ಲರಲ್ಲಿಯೂ ಬಸವ ಪ್ರಜ್ಞೆ ಜಾಗ್ರತೆಯಾಗುವಂತೆ ಮಾಡಲಿ” ಎಂದು ಹಾರೈಸುವೆ. ಶರಣಾರ್ಥಿಗಳು.

ಸಂದೇಶ ಬರಲಿದೆ

ಬಸವ ಮೀಡಿಯಾ ಎಂಬ ಬಸವ ಜ್ಯೋತಿ ಬಸವ ತತ್ವವನ್ನು ವಿಶ್ವದ ಮೂಲೆ ಮೂಲೆಗೂ ಪ್ರಸರಿಸಲಿ. ಈ ಜ್ಯೋತಿಯ ಹನಿ ಎಣ್ಣೆಗಾಗಿ ನನ್ನ ದಾಸೋಹ ಉಪಯೋಗವಾಗಲಿ.

ಬಸವ ಮೀಡಿಯಾ ಇದೇ ರೀತಿ ಸಾಮಾಜಿಕ, ಧಾರ್ಮಿಕ ಕಾರ್ಯಗಳನ್ನು ಮಾಡುತ್ತ ಸಾಗಲಿ. ಬಸವಾದಿ ಶರಣರ ತತ್ವವನ್ನು ನಮ್ಮ ಸಮಾಜ ಮತ್ತು ಜಗತ್ತಿನಾದ್ಯಂತ ಬಿತ್ತುವ ಕೆಲಸವನ್ನು ಮುನ್ನಡೆಸಿಕೊಂಡು ಹೋಗಲಿ.