ಕಿತ್ತೂರು
ಎತ್ತಿನಕೇರಿ ರಾಷ್ಟ್ರೀಯ ಬಸವ ದಳದ ವತಿಯಿಂದ ರಾಜು ನಾಗೋಜಿ ಇವರ ನೂತನವಾಗಿ ನಿರ್ಮಾಣವಾಗಿರುವ ಮನೆಯಲ್ಲಿ ಶನಿವಾರ ಬಸವ ಪ್ರಾರ್ಥನೆ ಮೂಲಕ ಗುರು ಪ್ರವೇಶ ಮಾಡಲಾಯಿತು.
ವಿಶ್ವ ಗುರು ಬಸವಣ್ಣನವರ ಭಾವಚಿತ್ರದೊಂದಿಗೆ ಮನೆಯಲ್ಲಿ ಪೂಜಾ, ಮಂತ್ರ ಪಠಣ ಮಾಡಿ, ಬಸವಣ್ಣನವರ ಹಾಗೂ ಶಿವಶರಣರ ವಿಚಾರಧಾರೆಗಳ ಮೇಲೆ ಚಿಂತನಗೋಷ್ಠಿಯನ್ನು ನಡೆಸಲಾಯಿತು. ನಿಜಾಚರಣೆಯ ಗುರು ಪ್ರವೇಶವನ್ನು ಮಾಡುವ ರೀತಿಯ ಬಗ್ಗೆಯೂ ತಿಳಿಸಿ ಹೇಳಲಾಯಿತು.
ರಾಷ್ಟ್ರೀಯ ಬಸವ ದಳ ತಾಲೂಕ ಅಧ್ಯಕ್ಷ ಮಹೇಶ್ ಪೂಜೇರ, ಜಗದೀಶ್ ಕಂಬಾರ್ ಗಣಿವಿ, ಎತ್ತಿನ ಕೇರಿ ಬಸವ ಮಂಟಪದ ಅಧ್ಯಕ್ಷರು ಶರಣ ರಾಯಪಣ್ಣ ಹಣಜಿ ಮತ್ತು ಶರಣ ಬಸವರಾಜ್ ಕಲ್ಲಪ್ಪ ಅಮಟೂರ್ ಮುಂತಾದವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
