ತಿ.ನರಸೀಪುರ:
ತಾಲ್ಲೂಕಿನ ಧರ್ಮಯ್ಯನಹುಂಡಿ ಗ್ರಾಮದಲ್ಲಿ, ಧರ್ಮಯ್ಯನಹುಂಡಿ ಗ್ರಾಮದ ಮಹದೇವಸ್ವಾಮಿ ಮತ್ತು ವೀರಾಮಣಿ ದಂಪತಿಗಳ ಸುಪುತ್ರ “ಮಹದೇವಪ್ರಸಾದ್ ಎಂ.” ಜೊತೆ ತಿ. ನರಸೀಪುರ ತಾಲ್ಲೂಕಿನ ಎಂ.ಎಲ್. ಹುಂಡಿ ಗ್ರಾಮದ ಶಿವಮಲ್ಲಪ್ಪ ಮತ್ತು ಮಂಜುಳ ದಂಪತಿಗಳ ಸುಪುತ್ರಿ “ಪಾರ್ವತಿ” ಅವರೊಂದಿಗೆ ವಚನ ಕಲ್ಯಾಣ ಮಹೋತ್ಸವವು ಈಚೆಗೆ ಸರಳವಾಗಿ, ಅರ್ಥಪೂರ್ಣವಾಗಿ ನಡೆಯಿತು.
ಬೆಳಿಗ್ಗೆ ಷಟ್ಸ್ಥಲ ಧ್ವಜಾರೋಹಣ ಮುಖಾಂತರ ಪ್ರಾರಂಭಗೊಂಡು, 8 ಗಂಟೆಗೆ ಇಷ್ಟಲಿಂಗಾರ್ಚನೆ, 10 ಗಂಟೆಗೆ ಮಾಂಗಲ್ಯಧಾರಣೆ ಮತ್ತು ರುದ್ರಾಕ್ಷಿಧಾರಣೆಯೊಂದಿಗೆ ಮಹೋತ್ಸವ ನೆರೆವೇರಿತು.
ವಿಶ್ವಗುರು ಬಸವಣ್ಣ ವೈರಾಗ್ಯನಿಧಿ ಅಕ್ಕಮಹಾದೇವಿ ವಿರಕ್ತಾಶ್ರಮ, ಅರಸೀಕೆರೆ ಮತ್ತು ಸಿದ್ದಲಿಂಗ ಶಿವಚಾರ್ಯ ಸೂರ್ಯಸಿಂಹಾಸನಮಠ, ವಾಟಾಳು ಹಾಗು ಯೋಗಗುರು ರಾಮು ಅವರು ಸಾನಿಧ್ಯ ವಹಿಸಿದ್ದರು. ಕಲ್ಯಾಣ ಮಹೋತ್ಸವವನ್ನು ಗ್ರಾಮದದಲ್ಲಿಯೇ ಸರಳವಾಗಿ ನಡೆಸಿ ಇತರರಿಗೆ ಮಾದರಿಯಾದದ್ದು ವಿಶೇಷವಾಗಿತ್ತು.
ವಿಶ್ವಬಸವ ಸೇನೆ ಸಂಸ್ಥಾಪಕ ಹಾಗು ಅಧ್ಯಕ್ಷರಾದ ಬಸವ ಯೋಗೇಶ, ಕಲ್ಪುರ ಮಹೇಶ, ಹಂಗಳಪುರ ಸುರೇಶ, ಹೊರಳವಾಡಿ ಮಹೇಶ, ಹೆಳವರಹುಂಡಿ ಪರಶಿವಣ್ಣ, ಮಡಹಳ್ಳಿ ಮಹೇಶ ಸೂರ್ಯ, ತಲಕಾಡು ಸಂತೋಷ, ಧರ್ಮಯ್ಯನಹುಂಡಿ ಕುಮಾರಣ್ಣ, ಹೆಮ್ಮಿಗೆ ಗಂಗಾಧರ, ಬ್ರಾಂಡ್ ಆನಂದ, ಹೆಳವರಹುಂಡಿ ಸತೀಶ, ಕುಮಾರ ಸೇರಿದಂತೆ ಹಲವಾರು ಪದಾಧಿಕಾರಿಗಳು ಹಾಜರಿದ್ದರು.
ಜಾಗತಿಕ ಲಿಂಗಾಯತ ಮಹಾಸಭಾ, ವಿಶ್ವ ಬಸವಸೇನೆ ಈ ಕಲ್ಯಾಣ ಮಹೋತ್ಸವಕ್ಕೆ ಸಹಕರಿಸಿದವು.
ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/H81yNL3dGRcHb7EBxL5oqr
