ಬಸವಕಲ್ಯಾಣ:
ಬಸವಕಲ್ಯಾಣದಲ್ಲಿ ನಡೆಯುವ ೪೬ನೆಯ ಶರಣ ಕಮ್ಮಟ ಹಾಗೂ ಅನುಭವಮಂಟಪ ಉತ್ಸವ-೨೦೨೫ ಎರಡು ದಿವಸಗಳ ಪರ್ಯಂತ ನಡೆಯಲಿರುವ ಸಮಾರಂಭದ ಉದ್ಘಾಟನೆ ೨೯, ಶುಕ್ರವಾರ ಬೆಳಿಗ್ಗೆ ೧೧-೦೦ ಗಂಟೆಗೆ ಜರುಗುವುದು.
ಸಮಾರಂಭದ ಸಾನಿಧ್ಯವನ್ನು ಆದಿಚುಂಚನಗಿರಿ ಮಹಾಸಂಸ್ಥಾನಮಠದ ಪೂಜ್ಯ ಡಾ. ನಿರ್ಮಲಾನಂದನಾಥ ಮಹಾಸ್ವಾಮಿಗಳು, ಪೂಜ್ಯ ಡಾ. ಬಸವಲಿಂಗ ಪಟ್ಟದ್ದೇವರು ವಹಿಸಿಕೊಳ್ಳಲಿದ್ದಾರೆ. ಹಾರಕೂಡದ ಪೂಜ್ಯ ಡಾ.ಚನ್ನವೀರ ಶಿವಾಚಾರ್ಯ ಮಹಾಸ್ವಾಮಿಗಳು, ಹುಲಸೂರಿನ ಪೂಜ್ಯ ಡಾ. ಶಿವಾನಂದ ಸ್ವಾಮಿಗಳು, ಬೀದರ ಡಾ. ಗಂಗಾಂಬಿಕಾ ಅಕ್ಕ ಸಮ್ಮುಖ ವಹಿಸಲಿದ್ದಾರೆ.
ಕಾರ್ಯಕ್ರಮದ ಉದ್ಘಾಟನೆಯನ್ನು ಆಂಧ್ರಪ್ರದೇಶದ ರಾಜ್ಯಪಾಲರಾದ ಗೌರವಾನ್ವಿತ ಎಸ್. ಅಬ್ದುಲ್ ನಜೀರ್ ಮಾಡಲಿದ್ದಾರೆ. ಭಾರತ ಸರಕಾರದ ರೈಲ್ವೆ ಸಚಿವರಾದ ವಿ. ಸೋಮಣ್ಣನವರು ಗ್ರಂಥ ಲೋಕಾರ್ಪಣೆ ಮಾಡಲಿದ್ದಾರೆ.
ಅರಣ್ಯ ಸಚಿವರಾದ ಈಶ್ವರ ಖಂಡ್ರೆ ಅಧ್ಯಕ್ಷತೆ ವಹಿಸಿಕೊಳ್ಳಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಪೌರಾಡಳಿತ ಸಚಿವ ರಹೀಂಖಾನ್, ಉದಗೀರ ಶಾಸಕರಾದ ಸಂಜಯ ಬನಸೋಡೆ, ನಾರಾಯಣಖೇಡ ಶಾಸಕರಾದ ಪಿ. ಸಂಜೀವರೆಡ್ಡಿ ಆಗಮಿಸಲಿದ್ದಾರೆ. ಬಸವಕಲ್ಯಾಣ ಶಾಸಕ ಶರಣು ಸಲಗರ ಸ್ವಾಗತ ಮಾಡಲಿದ್ದಾರೆ.
ಸಮಾರಂಭದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಗಣನೀಯ ಸೇವೆ ಸಲ್ಲಿಸಿದ ಸಿ.ಬಿ. ಸೋಮಶೆಟ್ಟಿ, ಡಾ.ಕೆ. ರವೀಂದ್ರನಾಥ, ಬಸವರಾಜ ಬೆಂಗೇರಿ, ಡಾ.ಎಸ್.ಜಿ. ಸುಶೀಲಮ್ಮ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.
ಶಶಿದರ ಕೋಸಂಬೆ ಶರಣು ಸಮರ್ಪಣೆ ಮಾಡಲಿದ್ದಾರೆ. ನವಲಿಂಗ ಪಾಟೀಲ ನಿರೂಪಣೆ ಮಾಡಲಿದ್ದಾರೆ. ನೂಪುರ ಕಲಾತಂಡದವರಿಂದ ವಚನ ನೃತ್ಯ ನಡೆಯಲಿದೆ.
ಅನುಭವಮಂಟಪದಲ್ಲಿ ಬೆಳಿಗ್ಗೆ ೯-೩೦ ಗಂಟೆಗೆ ಮುಕುಲ್ ಜೈನ್ ಅವರಿಂದ ಬಸವ ಗುರುಪೂಜೆ ನಡೆಯುವುದು. ಮತ್ತು ವಚನ ಪಠಣ ಜಗನ್ನಾಥರೆಡ್ಡಿ, ರಾಜು ಡಿ. ಬಣಕಾರ, ಡಾ. ಪ್ರಭುಲಿಂಗ ಗಡ್ಡೆ, ಮೋನಯ್ಯಾ ನುಲಿ, ಶರಣಯ್ಯಾ ನುಲಿ ಅವರಿಂದ ಜರುಗುವುದು. ಷಟ್‌ಸ್ಥಲ ಧ್ವಜಾರೋಹಣ ಪ್ರೊ. ಸಿದ್ದಣ್ಣ ಲಂಗೋಟಿ ಅವರಿಂದ ನೆರವೇರುವುದು.
ಶರಣ ಮಾದಾರ ಚೆನ್ನಯ್ಯ ವೇದಿಕೆಯ ಉದ್ಘಾಟನೆ ತಹಸೀಲ್ದಾರರಾದ ಶರಣ ದತ್ತಾತ್ರೇಯ ಗಾದಾ ಅವರಿಂದ ನಡೆಯುವುದು. ವೇದಿಕೆಯಲ್ಲಿ ಸುಮಾರು ಎರಡು ಸಾವಿರ ಆಸನಗಳ ವ್ಯವಸ್ಥೆ ಮಾಡಲಾಗಿದೆ. ಪೂಜ್ಯ ಶ್ರೀ ಜಗದ್ಗುರು ಲಿಂಗಾನಂದ ಮಹಾಸ್ವಾಮಿಗಳ ಮಹಾದ್ವಾರದ ಉದ್ಘಾಟನೆ ಡಿ.ವೈ.ಎಸ್.ಪಿ. ಶರಣ ಮಡಿವಾಳಪ್ಪ ಅವರಿಂದ ನಡೆಯುವುದು. ಲಿಂ. ಸುಶೀಲಾದೇವಿ ಡಾ.ಬಿ.ವಿ. ಪಟೇಲ್ ಪ್ರಸಾದ ಮಂಟಪದ ಉದ್ಘಾಟನೆ ನಗರಸಭೆ ಅಧ್ಯಕ್ಷರಾದ ಎಂ.ಡಿ. ನಗೀರೋದ್ದಿನ್ ಅವರಿಂದ ಜರುಗುವುದು.
ಸಮಾರಂಭಕ್ಕೆ ಕರ್ನಾಟಕ, ಮಹಾರಾಷ್ಟ್ರ, ತೆಲಂಗಾಣ ಹಾಗೂ ವಿವಿಧ ರಾಜ್ಯಗಳಿಂದ ಸುಮಾರು ಇಪ್ಪತ್ತು ಸಾವಿರಕ್ಕೂ ಹೆಚ್ಚು ಬಸವಭಕ್ತರು ಆಗಮಿಸುತ್ತಿದ್ದಾರೆ. ಬಂದ ಬಸವ ಭಕ್ತರಿಗಾಗಿ ಕಾಯಿಹೊಳಿಗೆ, ತುಪ್ಪ, ರೊಟ್ಟಿ, ಭಜ್ಜಿ, ಹಿಂಡಿ, ಚಪಾತಿ, ಪಲ್ಯ ಇತ್ಯಾದಿ ದೇಶಿ ಆಹಾರಗಳ ವ್ಯವಸ್ಥೆ ಬಹಳ ಅಚ್ಚುಕಟ್ಟಾಗಿ ಮಾಡಲಾಗಿದೆ. ಎಲ್ಲ ಬಸವಭಕ್ತರು ಎರಡು ದಿವಸ ನಡೆಯಲಿರುವ ಉತ್ಸವಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಲು ಈ ಮೂಲಕ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/JjqqFwfw2jf2WxG5glPZ0O
