ಯತ್ನಾಳರೇ, ಬಸವರಾಜ ಬೊಮ್ಮಾಯಿ ಅವರಿಂದ ಪಾಠ ಕಲಿಯಿರಿ

(ವಿಶ್ವಗುರು ಬಸವಣ್ಣನವರ ಮೇಲೆ ವಿವಾದಾಸ್ಪದ ಹೇಳಿಕೆ ನೀಡಿರುವ ಬಸವನಗೌಡ ಪಾಟೀಲ ಯತ್ನಾಳ್ ಅವರಿಗೆ ಬಹಿರಂಗ ಪತ್ರ.)

ದಾವಣಗೆರೆ

ಮಾನ್ಯ ಬಿಜಾಪುರದ ಶಾಸಕರಾದ ಯತ್ನಾಳರೆ,

ನೀವು ವಾಕ್ಫ ಬೋರ್ಡ್ ವಿರುದ್ಧದ ಹೋರಾಟದಲ್ಲಿ ಭಾಗವಹಿಸಿದ ಸಂದರ್ಭದಲ್ಲಿ ಬಸವಣ್ಣನವರಂತೆ ಹೊಳಿಗೆ ಹಾರಿ ಎಂದು ಕರೆ ಕೊಟ್ಟಿದ್ದೀರಿ

ಬಸವಣ್ಣನವರು ಹೊಳೆಗೆ ಹಾರಿದರು ಎಂದು ನಿಮಗೆ ಅನಿಸಿದ್ದಾರೂ ಹೇಗೆ ಆ ಬಗ್ಗೆ ನಿಮ್ಮ ಬಳಿ ದಾಖಲೆ ಇದೆಯಾ?

ನಾಳೆಬಪ್ಪುದು ನಮಗಿಂದೇ ಬರಲಿ
ಇಂದು ಬಪ್ಪದು ನಮಗೀಗಲೇ ಬರಲಿ ಎಂದ ಬಸವಣ್ಣನವರು ಹೊಳೆಗೆ ಹಾರುವಷ್ಟು ದುರ್ಭಲರು ಅಂತ ನಿಮಗೆ ಹೇಗೆ ಅನಿಸಿತು ?

ಊರ ಮುನಿದು ನಮಗೇನು ಮಾಳ್ಪರು ಎಂದ ಬಸವಣ್ಣನವರು ಹೇಡಿ ಅಂತ ನಿಮ್ಮ ದುರ್ಬಲ ಮನಸ್ಸಿಗೆ ಅನಿಸಿದ್ದಾರೂ ಏಕೆ ?

ಜೋಳವಾಳಿಯಾನಲ್ಲ, ವೇಳೆವಾಳಿಯವ ನಾನಯ್ಯಾ. ಹಾಳುಗೆಟ್ಟೋಡುವ ಆಳು ನಾನಲ್ಲವಯ್ಯಾ. ಕೇಳು, ಕೂಡಲಸಂಗಮದೇವಾ, ಮರಣವೆ ಮಹಾನವಮಿ.

ಹಾಳುಗೆಟ್ಟು ಹೋಡಿಹೋಗುವ ಹೇಡಿ ನಾನಲ್ಲ ಮರಣವೇ ಮಹಾನವಮಿ ಎಂದು ಗಟ್ಟಿದನಿಯಲ್ಲಿ ಸಾರಿದ ಬಸವಣ್ಣನವರು ಹೊಳೆಗೆ ಹಾರಿದರು ಎಂದ ನಿಮ್ಮ ನೀಚ ಬುದ್ದಿಗೆ ಬಂದದ್ದಾರೂ ಹೇಗೆ

ಬಸವನಗೌಡ ಪಾಟೀಲ್ ಯತ್ನಾಳರೇ ನೀವು ವೈಧಿಕರ ಮನುವಾದಿಗಳ ಗುಲಾಮಗಿರಿ ಮಾಡಿ ಅದು ನಿಮ್ಮ ಭೌಧ್ದಿಕ ದಿವಾಳಿತನಕ್ಕೆ ಸಾಕ್ಷಿ ಆದರೆ ಸ್ವಾಭಿಮಾನಿ ಲಿಂಗಾಯತ ಧರ್ಮದ ಜನರನ್ನು ಕೆಣಕಿ ನೀವು ತಪ್ಪು ಮಾಡಿದಿರಿ

ಬಸವಣ್ಣನವರ ದ್ರೋಹಿಯಾದ ಬಸವರಾಜ ಬೊಮ್ಮಾಯಿ ಅವರಿಗೆ ಬಸವಣ್ಣನವರ ಅನುಯಾಯಿಗಳು ಈಗಾಗಲೇ ಚನ್ನಾಗಿ ಪಾಠ ಕಲಿಸಿದ್ದಾರೆ ನಿಮಗೆ ಜನ ಪಾಠ ಕಲಿಸುವ ದಿನ ದೂರವಿಲ್ಲ

ಯತ್ನಾಳರೇ ಹರಕು ಬಾಯಿ ಹೊಲಸು ಬುದ್ಧಿಯನ್ನು ನಿಮ್ಮ ರಾಜಕೀಯದಲ್ಲಿ ಇಟ್ಟುಕೊಂಡಿದ್ದರೆ ಸಾಕಿತ್ತು. ಬಸವಣ್ಣನವರ ವಿಚಾರಕ್ಕೆ ಬರಬಾರದಿತ್ತು. ನೀವು ಬಂದಿದ್ದೀರಿ, ಆದರೆ ಬಸವಣ್ಣನವರ ವಿಚಾರಗಳಿಗೆ ವಿರೋಧಿಯಾಗಿ ಬಂದಿದ್ದೀರಿ ಇದರ ಪರಿಣಾಮ ಮುಂದಿನ ದಿನಗಳಲ್ಲಿ ನೀವು ಎದುರಿಸಬೇಕಾಗುತ್ತದೆ.

ಯತ್ನಾಳರೇ ಬಸವಣ್ಣನವರ ಬಗ್ಗೆ ಮಾತನಾಡುವಾಗ ಹಲ್ಲು ಬಿಗಿಹಿಡಿದು ಮಾತನಾಡದರೆ ನಿಮಗೇ ಕ್ಷೇಮ ಈಗಾಗಲೇ ಹಗುರಾಗಿ ಮಾತನಾಡಿದ ನೀವು ಬಹಿರಂಗ ಕ್ಷೆಮೆ ಕೊರದಿದ್ದರೆ ಉಗ್ರ ಹೋರಾಟ ಮಾಡಬೇಕಾಗುತ್ತದೆ
ನಿಮ್ಮ ಹೇಳಿಕೆ ಬಸವಾಭಿಮಾನಿಗಳನ್ನು ಕೆರಳಿಸಿದೆ ಹಾಗಾಗಿ ಮುಂದಿನ ಪರಿಣಾಮ ಕೆಟ್ಟದಾಗಿರಬಾರದು ಎಂದರೆ ತಕ್ಷಣ ಬಹಿರಂಗ ಕ್ಷೆಮೆ ಕೇಳಬೇಕು ಎಂದು ಆಗ್ರಹಿಸುತ್ತೇನೆ

ವಿಶ್ವೇಶ್ವರಯ್ಯ ಬಿಎಂ ಹೆಮ್ಮನಬೇತೂರು