ಬಸವ ಭಕ್ತರನ್ನು ‘ಬಸವ ತಾಲಿಬಾನಿ’ಗಳು ಎಂದು ಕರೆದಿರುವ ‘ಅಗ್ರಹಾರದ ನಾಜಿ’

ಇಂತಹ ಸಂಸ್ಕಾರಹೀನ ಕಾವಿಧಾರಿಗಳು ನಾಡಿಗೆ, ಮಠ ಪರಂಪರೆಗೆˌ, ಶರಣ ಪರಂಪರೆಗೆ ಕಳಂಕಪ್ರಾಯರು.

ವಿಜಯಪುರ

ಲಿಂಗಾಯತ ಮಠ ಪರಂಪರೆಗೆ ಇತ್ತೀಚಿಗೆ ಕಪ್ಪು ಮಸಿ ಬಳೆಯುವ ಕಾರ್ಯಗಳು ಅಯೋಗ್ಯ ಕಾವಿಧಾರಿ ಮಠಾಧೀಶರಿಂದ ನಡೆಯುತ್ತಿದೆ.

ಹಿಂದುತ್ವದ ಮೂಲಭೂತವಾದಿಗಳಾಗಿ ‘ಅಗ್ರಹಾರದ ನಾಜಿ’ಗಳಂತೆ ನಾಡಿನ ಸೌಹಾರ್ದತೆ ಕದಡುವ ಕುಕೃತ್ಯದಲ್ಲಿ ಈ ಕಾವಿಧಾರಿಗಳು ತೊಡಗಿದ್ದಾರೆ.

ಮಾತೆತ್ತಿದರೆ ಸನಾತನ ಪರಂಪರೆ ಮುಂತಾದ ಸವಕಲು ಸರಕುಗಳನ್ನು ಪಠಿಸುವ ಈ ಕಾವಿಗಳು ಮಾಡುವ ಕತ್ತಲೆಯ ಕಾರ್ಯಗಳು ಒಂದೆರಡಲ್ಲ.

ಬಸವ ಪರಂಪರೆಯ ಬಸವೋತ್ತರ ಯುಗದ ಪ್ರಮುಖ ವಚನಕಾರರಲ್ಲಿ ಶರಣ ಕಾಡಸಿದ್ಧರು ಪ್ರಮುಖರು. ಮಹಾರಾಷ್ಟ್ರದ ಕನ್ಹೇರಿಯ ಮಠ ವಚನಕಾರ ಕಾಡಸಿದ್ಧರ ಅವೈದಿಕ ಲಿಂಗಾಯತ ಪರಂಪರೆಗೆ ಸೇರಿದ ಮಠ.

ಈ ಮಠಕ್ಕೆ ಯಾವ ಅಧ್ಯಾತ್ಮಿಕˌ ವಚನ ಸಾಹಿತ್ಯˌ ಶರಣ ಪರಂಪರೆಯ ಹಿನ್ನೆಲೆ ಇರದ ವಿಜಯಪುರ ಜಿಲ್ಲೆಯ ಮುದ್ದೇಬಿಹಾಳ ತಾಲೂಕಿನ ಬಸರಕೋಡ್ ಗ್ರಾಮದ ಮೇಟಿ ಎನ್ನುವ ಲಿಂಗಾಯತ ರೆಡ್ಡಿ ಕುಟುಂಬದಲ್ಲಿ ಹುಟ್ಟಿದ ವ್ಯಕ್ತಿ ಈಗಿನ ಪೀಠಾಧಿಪತಿ.

ಇವರು ವಿಜಯಪುರದ ಜ್ಞಾನಯೋಗಾಶ್ರಮದ ಪ್ರಸಿದ್ಧ ಪ್ರವಚನಕಾರರಾಗಿದ್ದ ಲಿಂಗೈಕ್ಯ ಸಿದ್ದೇಶ್ವರ ಸ್ವಾಮಿಗಳ ಶಿಷ್ಯ ಎಂದು ಹೇಳಿಕೊಳ್ಳುತ್ತಾರೆ.

ಸಿದ್ದೇಶ್ವರ ಸ್ವಾಮಿಗಳಿಗೆ ಇದ್ದ ಅಘಾದ ಜ್ಞಾನವಾಗಲಿˌ ಇನ್ನೊಂದು ಧರ್ಮದ ಕುರಿತು ಅವರಿಗಿದ್ದ ಗೌರವವಾಗಲಿ ಯಾವುದೂ ಇವರಿಗೆ ಇಲ್ಲ.

ಮಾತೆತ್ತಿದರೆ ಸಾಕು ಅಲ್ಪಸಂಖ್ಯಾತರ ವಿರುದ್ಧ ವಿಷ ಕಾರುವ ಇವರು ಸಿದ್ದೇಶ್ವರ ಸ್ವಾಮಿಗಳ ಹೆಸರು ಹೇಳಲು ಯಾವುದೆ ನೈತಿಕತೆ ಹೊಂದಿಲ್ಲ. ಇವರಿಗೆ ಸನ್ಯಾಸಿಯಾಗುವ ಅವಕಾಶ ನೀಡಿದ್ದು ಲಿಂಗಾಯತ ಧರ್ಮದ ಶರಣ ಪರಂಪರೆಯೆ ಹೊರತು ಇವರು ಬೆಂಬಲಿಸುವ ಸನಾತನ ಧರ್ಮವಲ್ಲ.

ಇವರಿಗೆ ಸನ್ಯಾಸಿಯಾಗುವ ಅವಕಾಶ ನೀಡಿದ್ದು ಲಿಂಗಾಯತ ಧರ್ಮದ ಶರಣ ಪರಂಪರೆಯೆ ಹೊರತು ಇವರು ಬೆಂಬಲಿಸುವ ಸನಾತನ ಧರ್ಮವಲ್ಲ.

ಇಂತಹ ಸಂಸ್ಕಾರಹೀನ ಕಾವಿಧಾರಿಗಳು ನಾಡಿಗೆ, ಮಠ ಪರಂಪರೆಗೆˌ, ಶರಣ ಪರಂಪರೆಗೆ ಕಳಂಕಪ್ರಾಯರು. ಈತನ ಹಣೆಯ ಮೇಲಿರುವ ಶುಭ್ರ ವಿಭೂತಿಯ ಬದಲಿಗೆ ಉಗ್ರ ರಕ್ತ ತಿಲಕವು ಈತನೊಬ್ಬ ಲಿಂಗಾಯತ ವಿರೋಧಿˌ ಬಸವ ವಿರೋಧಿ ಎನ್ನುವುದನ್ನು ಎತ್ತಿ ತೋರಿಸುತ್ತದೆ.

ಇವರು ಸಂಘ ಪರಿವಾರದ ಸಾವಯವ ಕೃಷಿ ಘಟಕದ ಮುಖ್ಯಸ್ಥ. ಕೃಷಿಯ ಹೆಸರಿನಲ್ಲಿ ಹಿಂದುತ್ವವನ್ನು ಗಟ್ಟಿಗೊಳಿಸಲು ಸಂಘ ಇವರನ್ನು ದಾಳವಾಗಿ ಬಳಸಿಕೊಳ್ಳುತ್ತದೆ. ಇವರಿಗೆ ನಿರ್ಧಿಷ್ಟವಾಗಿ ಯಾವುದೇ ಶಿಷ್ಯವರ್ಗವಿಲ್ಲ, ಏಕೆಂದರೆ ಇವರು ಯಾವತ್ತೂ ಅಧ್ಯಾತ್ಮˌ ಭಕ್ತಿˌ ಅನುಭಾವದ ಕುರಿತು ಮಾತನಾಡುವುದೆ ಇಲ್ಲ. ಕಾರಣ ಇವರಿಗೆ ಆ ವಿಷಯಗಳ ಕುರಿತು ಯಾವ ಜ್ಞಾನವೂ ಇಲ್ಲ.

ಆ ಕಾರಣದಿಂದ ಇವರು ಒಬ್ಬ ಹಿಂದುತ್ವದ ಏಜೆಂಟ್ ನಂತೆ ಅಲ್ಪಸಂಖ್ಯಾತರ ವಿರುದ್ಧ ಮತ್ತು ಲಿಂಗಾಯತ ಬಸವಾನುಯಾಯಿಗಳ ವಿರುದ್ಧ ಆಗಾಗ ಹಗುರವಾಗಿ ನಾಲಿಗೆ ಹರಿಬಿಡುತ್ತಾರೆ.

ಈ ಭಾಗದಲ್ಲಿ ಇವರು “ಲೂಜ್ ಟಂಗ್ ಸ್ವಾಮಿ” ಎಂದೇ ಕುಖ್ಯಾತಿ ಪಡೆದಿದ್ದಾನೆ. ಇವರ ಪಟಾಲಮ್ ನಲ್ಲಿ ವಚನದರ್ಶನ ಪುಸ್ತಕ ಸಂಪಾದನೆಯ ಕುಖ್ಯಾತಿ ಹೊಂದಿರುವ ಸದಾಶಿವಾನಂದ (ಕೈವಲ್ಯಾನಂದ) ಮುಂತಾದ ತ್ರಿಶೂಲ ವಿತರಣೆ ಮಾಡುವ ಉಗ್ರ ಹಿಂದುತ್ವವಾದಿ ಕಾವಿಗಳ ಗುಂಪಿದೆ. ಇವರಿಗೆ ಯಾವುದೆ ಅಧ್ಯಾತ್ಮ ಪರಂಪರೆಯಿಲ್ಲ ˌ ಕೇವಲ ಹಿಂದುತ್ವದ ವಿಷ ಕಾರುವುದುˌ ಹಗುರವಾಗಿ ನಾಲಿಗೆ ಹರಿಬಿಡುವುದೆ ಇವರ ಕಾರ್ಯ. ಈ ಗುಂಪು ಸದಾ ವಿಜಯಪುರದ ಸಿದ್ಧೇಶ್ವರ ಸ್ವಾಮಿಗಳ ಹೆಸರನ್ನು ಅನಗತ್ಯವಾಗಿ ಬಳಸಿ ಅವರ ಜ್ಞಾನವನ್ನು ಹಾಗೂ ಬದುಕಿನ ಸರಳ ಸಜ್ಜನಿಕೆಯ ಮಾರ್ಗವನ್ನು ಅವಮಾನಿಸುತ್ತದೆ.

ಒಂದು ವಚನವನ್ನು ಸರಿಯಾಗಿ ಹೇಳಲು ಬಾರದ ಇವರು ಮಾತನಾಡಿದಾಗಲೆಲ್ಲ ವಿಷ ಹೊರಬರುತ್ತದೆ. ಮಠಾಧೀಶನಾಗಲು ಯಾವುದೇ ಅರ್ಹತೆ ಇಲ್ಲದ ಇಂತಹ ಮೂರನೇ ದರ್ಜೆಯ ಜನರು ಮಠ ಪರಂಪರೆಗೆˌ ಅಧ್ಯಾತ್ಮ ಪರಂಪರೆಗೆˌ ಶರಣ ಪರಂಪರೆಗೆ ಕೆಟ್ಟ ಹೆಸರನ್ನು ತರುತ್ತಾರೆ.

ಲಿಂಗೈಕ್ಯ ಸಿದ್ದೇಶ್ವರ ಸ್ವಾಮಿಗಳಿಗೆ ಕೊನೆಕೊನೆಗೆ ಈ ಗುಂಪಿನ ಸೌಹಾರ್ದತೆಯ ವಿರೋಧಿ ಚಟುವಟಿಕೆಗಳ ಕುರಿತು ತಿಳಿದಿತ್ತು. ಅಷ್ಟೊತ್ತಿಗೆ ಕಾಲ ಮಿಂಚಿಹೋಗಿತ್ತು. ಇವರಿಂದ ಅಂತರ ಕಾಯ್ದುಕೊಳ್ಳಲು ಪ್ರಯತ್ನಿಸಿದರೂ ಅವರಿಗೆ ಆಗಲಿಲ್ಲವೆಂತಲು ಹಾಗೂ ಕೊನೆಗಾಲದಲ್ಲಿ ಸಿದ್ಧೇಶ್ವರ ಸ್ವಾಮಿಗಳನ್ನು ಈ ಗುಂಪು ನಿಯಂತ್ರಿಸಲು ಪ್ರಯತ್ನಿಸುತ್ತಿತ್ತು ಎಂತಲು ಸ್ವಾಮಿಗಳ ಸಮಿಪವರ್ತಿಗಳು ಅಭಿಪ್ರಾಯ ಪಡುತ್ತಾರೆ.

ಬಸವಾನುಯಾಯಿಗಳನ್ನು ಬಸವ ತಾಲಿಬಾನಿಗಳೆಂದು ಕರೆದು ತಮ್ಮ ಹೀನ ಸಂಸ್ಕಾರ ತೋರಿರುವ ಈ ಕನ್ಹೇರಿ ಸ್ವಾಮಿಗೆ ಶರಣ ಪರಂಪರೆಯ ಲಿಂಗಾಯತ ಮಠಾಧೀಶರು ತಕ್ಕ ಉತ್ತರವನ್ನು ನೀಡಬೇಕಿದೆ.