ಬಳ್ಳಾರಿ
39ನೇ ಶರಣಮೇಳ ಪ್ರಚಾರ ಸಭೆ ಹಾಗೂ ಬಸವ ಸಂಸ್ಕೃತಿಯ ಅಭಿಯಾನದ ಯಶಸ್ಸಿಗೆ ಸೇವೆ ಸಲ್ಲಿಸಿದ ಬಸವ ತತ್ವಪರ ಸಂಘಟನೆಗಳ ಮುಖಂಡರಿಗೆ ಅಭಿನಂದನೆ ನಡೆಯಿತು.
ನಗರದ ರಾಷ್ಟ್ರೀಯ ಬಸವದಳದ ವಿಶ್ವಗುರು ಬಸವಮಂಟಪದಲ್ಲಿ ಭಕ್ತಿ, ಶ್ರದ್ಧೆಯಿಂದ ಬಸವ ಧ್ವಜಾರೋಹಣ, ಧರ್ಮಗುರು ಬಸವಣ್ಣನವರ ಪೂಜೆ, ಪ್ರಾರ್ಥನೆ, ಧ್ಯಾನ, ವಚನ ಗಾಯನ, ಬಸವ ಧರ್ಮಪೀಠದ ಮಹಾಜಗದ್ಗುರು ಪೀಠ ಕೂಡಲಸಂಗಮದ, ಪೂಜ್ಯ ಮಾತೆ ಗಂಗಾದೇವಿ ಮಾತಾಜಿ ಅವರಿಂದ ಬಸವ ಜ್ಯೋತಿ ಬೆಳಗಿಸುವ ಮೂಲಕ ಕಾರ್ಯಕ್ರಮ ಆರಂಭಿಸಲಾಯಿತು.
ನಾಗರಾಜ ಅವರು ಪ್ರಾಥಮಿಕವಾಗಿ ಶರಣ ಮೇಳದ ಕಾರ್ಯಕ್ರಮದ ಬಗ್ಗೆ ಚಿಂತನೆ ಮಾಡಿದರು. ಪೂಜ್ಯ ಮಾತಾಜಿಯವರು ವಚನ ಚಿಂತನೆ ಮಾಡುತ್ತಾ, ಜಗತ್ತಿನ ದಾರ್ಶನಿಕರ ಜೀವನದಲ್ಲಿ, ಜನ್ಮದಿನ, ದೇವ ಸಾಕ್ಷಾತ್ಕಾರದ ದಿನ ಹಾಗೂ ಲಿಂಗೈಕ್ಯದಿನ ಮಹತ್ವಪೂರ್ಣದ್ದು, ಧರ್ಮಗುರು ಬಸವಣ್ಣನವರು ಇಷ್ಟಲಿಂಗದ ಪರಿಕಲ್ಪನೆ ಮೂಲಕ ಲಿಂಗಾಯತ ಧರ್ಮ ಸಂಸ್ಥಾಪನ ದಿನವನ್ನು, ಪ್ರತಿವರ್ಷ ಜನವರಿ 14ರಂದು ಆಚರಿಸಲಾಗುತ್ತದೆ. ಈ ಐತಿಹಾಸಿಕ ದಿನದಲ್ಲಿ ಬಳ್ಳಾರಿ ಜಿಲ್ಲೆಯಿಂದ ಸಾವಿರಾರು ಸಂಖ್ಯೆಯಲ್ಲಿ ಭಾಗವಹಿಸಲು ಕರೆ ನೀಡಿದರು.
ಬಸವ ಸಂಸ್ಕೃತಿ ಅಭಯಾನದಲ್ಲಿ ಸೇವೆ ಸಲ್ಲಿಸಿದ, ಶರಣ ಪನ್ನಾರಾಜ್ ಹಾಗೂ ಇತರರಿಗೆ ಗೌರವ ಸತ್ಕಾರ ಮಾಡಲಾಯಿತು.
39ನೇ ಶರಣ ಮೇಳದ ಬ್ಯಾನರ್ ಹಾಗೂ ವರ್ಷ 2026ರ ನೂತನ ಕ್ಯಾಲೆಂಡರನ್ನು ಈ ಸಂದರ್ಭದಲ್ಲಿ ಬಿಡುಗಡೆ ಮಾಡಲಾಯಿತು.
ವೆಂಕಟಾಪುರ ಬಸವರಾಜಪ್ಪ ಶರಣರು, ರವಿಶಂಕರ, ಪನ್ನಾರಾಜ್, ಅನಿಮಿಷಾನಂದ ಸ್ವಾಮೀಜಿ, ಬಸವರತ್ನ ಮಾತಾಜಿ, ಬಸವಪರ ಸಂಘಟನೆಗಳ ಪ್ರಮುಖರು, ಸದಸ್ಯರು ಉಪಸ್ಥಿತರಿದ್ದರು.
ಮಹಾಮಂಗಳದ ನಂತರ ಸುಮಾರು 500 ಜನ ಶರಣ ಬಂಧುಗಳು ಪ್ರಸಾದ ಸ್ವೀಕರಿಸಿ, ಶರಣ ಮೇಳ ಪ್ರಚಾರ ಸಭೆಯನ್ನು ಯಶಸ್ವಿಗೊಳಿಸಿದರು.
ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/H81yNL3dGRcHb7EBxL5oqr
