ಬೆಂಗಳೂರು ಅಪಾರ್ಟ್‍ಮೆಂಟಿನಲ್ಲಿ ವೈದಿಕತೆಯಿಲ್ಲದೆ ನಡೆದ ಸರಳ ಗುರುಪ್ರವೇಶ

ಬೆಂಗಳೂರು

ವಿಜಯನಗರದ ಹರ್ಷ ಮತ್ತು ವಿಜಯಲಕ್ಷ್ಮಿ ಅವರ ನೂತನ ಮನೆಯ ಗುರುಪ್ರವೇಶ ಬಸವತತ್ವದ ನಿಜಚರಣೆಯ ಮೂಲಕ ಇತ್ತೀಚೆಗೆ ನೆರವೇರಿತು. ಯಾವುದೇ ವೈಧಿಕಾಚರಣೆಯ ಅಬ್ಬರವಿಲ್ಲದೆ ಸರಳವಾಗಿ ವಚನಗಳ ಆಧಾರವಾಗಿ ಕಾರ್ಯಕ್ರಮ ನಡೆದದ್ದು ವಿಶೇಷವಾಗಿತ್ತು.

ನದಿ ಇಂಗಳಗಾವಿನ ಪೂಜ್ಯ ಸಿದ್ದಲಿಂಗ ಸ್ವಾಮೀಜಿ, ಅನುಭಾವಿಗಳಾದ ಪಿ ರುದ್ರಪ್ಪ, ಭಾರತಿ ಕೆಂಪಯ್ಯ ಮತ್ತು ದಾವಣಗೆರೆಯ ಭುವನೇಶ್ವರಿ ತಾಯಿಯವರು ಕಾರ್ಯಕ್ರಮದ ನೇತೃತ್ವ ವಹಿಸಿದ್ದರು.

ಹೆದರಿಸಿ, ಭಯ ಪಡಿಸಿ ತನ್ನ ನೆಲೆಯನ್ನು ಭದ್ರಪಡಿಸಿಕೊಳ್ಳಲು ವೈಧಿಕ ಆಚರಣೆಗಳು ಹವಣಿಸುತ್ತವೆ. ಇದಕ್ಕೆ ಬಲಿಯಾಗದೆ ಸರಳವಾಗಿ ಬಸವಾದಿ ಶರಣರು ಹಾಕಿಕೊಟ್ಟ ವಚನಾದಾರಿತ ನಿಜಾಚರಣೆಯ ಮೂಲಕ ಎಲ್ಲಾ ಕಾರ್ಯಕ್ರಮಗಳು ನೆರವೇರಿಸಿ ಎಂದು ಪೂಜ್ಯ ಸಿದ್ದಲಿಂಗ ಸ್ವಾಮೀಜಿಗಳು ಆಶೀರ್ವಚನ ನೀಡಿದರು.

ವಚನ ಗ್ರಂಥಗಳನ್ನು ಹೊತ್ತು ಮನೆಯನ್ನು ಪ್ರವೇಶಿಸಲಾಯಿತು. ಬಸವಾದಿ ಶರಣರು ಕರುಣಿಸಿದ ಸರಳ ಆಚರಣೆಗಳನ್ನೂ ಪಾಲಿಸೋಣ, ಮ ಎಂದರೆ ‘ಮನ’ ನೆ ಎಂದರೆ ‘ನೆಮ್ಮದಿ’ ಎಂದು ಪಿ ರುದ್ರಪ್ಪ ಹೇಳಿದರು. ಆಚರಣೆಗಳು ಸರಳ, ಸುಲುಭವಾಗಿರಲೆಂದು ಭಾರತಿ ಕೆಂಪಯ್ಯ ಹೇಳಿದರು.

ವಚನ ಪ್ರಾರ್ಥನೆಯನ್ನು ವನಜಾಕ್ಷಿ ತಾಯಿಯವರು ನೆರವೇರಿಸಿದರು.

ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/Dv8eAoC8n2rJOtZKYt4o86