ಬೆಮೆಲ್ ನಗರದಲ್ಲಿ ಶ್ರಾವಣ ಮಾಸದ ಮೂರನೆ ಸೋಮವಾರದ ಶರಣ ಸಂಗಮ ವಿಶೇಷ ಕಾರ್ಯಕ್ರಮ ಬಸವ ಸಮಿತಿ ಮತ್ತು ಅಕ್ಕನ ಬಳಗದ ಸಹಯೋಗದಲ್ಲಿ ನಡೆಯಿತು.
ಶರಣ ಬಿ.ಹೆಚ್ ಬಸವರಾಜ್ ಹಾಗೂ ಶರಣ ಮಹಾಂತೇಶಪ್ಪ ಸಿ ಅವರ ವಚನ ಗೀತೆಯೊಂದಿಗೆ ಕಾರ್ಯಕ್ರಮ ಆರಂಭವಾಯಿತು.
ಕಾರ್ಯಕ್ರಮದ ನಿರೂಪಣೆಯನ್ನು ಅಕ್ಕನ ಬಳಗದ ಕಾರ್ಯದರ್ಶಿಗಳಾದ ರಾಧಾ ಹೊಸಮನಿ ಅವರು ಮಾಡಿದರು.
ಶರಣೆ ಅಕ್ಕಮಹಾದೇವಿಯವರ ಬಗ್ಗೆ ಶರಣೆ ರಾಧಾ ಪ್ರಕಾಶ್ ಅವರು ಉಪನ್ಯಾಸ ನೀಡಿದರು.
ಮುಖ್ಯ ಅತಿಥಿಗಳಾಗಿ ಶರಣ ಮಂಜುನಾಥ ಎಮ್, ಅಧ್ಯಕ್ಷರು ಬಸವ ಸಮಿತಿ ಆಗಮಿಸಿದ್ದರು ಸಭಾಧ್ಯಕ್ಷತೆಯನ್ನು ಶರಣೆ ಸಂಗೀತಾ ನರೇಂದ್ರ, ಅಧ್ಯಕ್ಷರು ಅಕ್ಕನ ಬಳಗ ಅವರು ವಹಿಸಿದ್ದರು.
ಕಾರ್ಯಕ್ರಮದ ನಂತರ ಪ್ರಸಾದ ವ್ಯವಸ್ಥೆಯನ್ನು ಶರಣ ದಿವಂಗತ ಶರಣ ದಿವಾಕರ ಆರಟ್ಟಿ ಅವರ ಕುಟುಂಬದವರು ಮಾಡಿಸಿದ್ದರು.ಅಪಾರ ಸಂಖ್ಯೆಯಲ್ಲಿ ಬಸವ ಸಮಿತಿ ಹಾಗೂ ಅಕ್ಕನ ಬಳಗದ ಸದಸ್ಯರು ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.
