ಸಂಘ ಪರಿವಾರ ಬಸವಣ್ಣನವರನ್ನು ‘ಸಾಂಸ್ಕೃತಿಕ ನಾಯಕ’ ಎಂದು ಒಪ್ಪಿಕೊಳ್ಳಲಿ

ಕರ್ನಾಟಕದ ಹಬ್ಬ ಎಂದ ಮೇಲೆ ಕಾರ್ಯಕ್ರಮದಲ್ಲಿ ಸಾಂಸ್ಕೃತಿಕ ನಾಯಕರ ಚಿತ್ರ ಹಾಕದೆ ಇರುವುದು ಎಲ್ಲಾ ಕನ್ನಡಿಗರಿಗೆ ತೋರಿರುವ ಅಗೌರವ.

ರಾಣೆಬೆನ್ನೂರು

ನಿನ್ನೆಯಿಂದ ಇಲ್ಲಿ ನಡೆಯುತ್ತಿರುವ ಮೂರು ದಿನಗಳ ‘ಕರ್ನಾಟಕ ವೈಭವ ವೈಚಾರಿಕ ಹಬ್ಬ’ದ ಮಹಾದ್ವಾರವನ್ನು ನೋಡಿದಾಗ ಶ್ರೀ ಕೃಷ್ಣ, ಶ್ರೀ ರಾಮಚಂದ್ರರ ದೊಡ್ಡ ಚಿತ್ರಗಳು, ರಾಮಕೃಷ್ಣರ, ವಿವೇಕಾನಂದರ, ಚೈತನ್ಯರ ಚಿತ್ರಗಳು ಕಾಣಿಸಿದವು. ಆದರೆ ಉದ್ಧೇಶಪೂರ್ವಕವಾಗಿಯೇ ಸಾಂಸ್ಕೃತಿಕ ನಾಯಕ ಬಸವಣ್ಣನವರ ಚಿತ್ರ ಕೈ ಬಿಟ್ಟಿದ್ದಾರೆ ಎಂದು ಅನಿಸಿತು.

ಬಸವಣ್ಣನವರು ಕರ್ನಾಟಕದ ಅಧಿಕೃತ ಸಾಂಸ್ಕೃತಿಕ ನಾಯಕರು. 900 ವರ್ಷಗಳಿಂದ ಕನ್ನಡಿಗರನ್ನು ರೂಪಿಸಿರುವ ಅತಿ ದೊಡ್ಡ ಶಕ್ತಿ, ಐತಿಹಾಸಿಕವಾಗಿ ಕನ್ನಡ ಪ್ರದೇಶದ ಅತ್ಯಂತ ಪ್ರಭಾವಶಾಲಿ ನಾಯಕ.

‘ಕರ್ನಾಟಕ ವೈಭವ ವೈಚಾರಿಕ ಹಬ್ಬ’ ರಾಷ್ಟ್ರದ ಉಪರಾಷ್ಟ್ರಪತಿಗಳೇ ಬಂದು ಉದ್ಘಾಟಿಸುವಷ್ಟು ದೊಡ್ಡ ಕಾರ್ಯಕ್ರಮ. ಸಾವಿರಾರು ಜನರನ್ನು ಸೇರಿಸಲು ಪ್ರಯತ್ನಿಸುತ್ತಿರುವ ಇವರಲ್ಲಿ ಬಸವಣ್ಣನವರ ಬಗ್ಗೆ ಉದಾಸೀನವೇಕೆ?

ಸಾವಿರಾರು ಜನರನ್ನು ಸೇರಿಸಲು ಪ್ರಯತ್ನಿಸುತ್ತಿರುವ ಇವರಲ್ಲಿ ಬಸವಣ್ಣನವರ ಬಗ್ಗೆ ಉದಾಸೀನವೇಕೆ?

ಇದಕ್ಕೆ ಉತ್ತರ ಬೇಕಾದರೆ ಇದರ ಆಯೋಜಕರು ಯಾರು ಎಂದು ನೋಡಬೇಕು.

‘ಕರ್ನಾಟಕ ವೈಭವ ವೈಚಾರಿಕ ಹಬ್ಬ’ ಸಂಘ ಪರಿವಾರದ ಸಂಸ್ಥೆಗಳಾದ ಪರಿವರ್ತನಾ, ಪ್ರಜ್ಞಾ ಪ್ರವಾಹಗಳು ಆಯೋಜಿಸಿರುವ ಕಾರ್ಯಕ್ರಮ. ಇದಕ್ಕೆ ಬರುತ್ತಿರುವವರು ಬಿ.ಎಲ್. ಸಂತೋಷ್, ಜಗದೀಪ್‌ ಧನಕರ್‌, ಥಾವರಚಂದ್‌ ಗೆಹಲೋತ್‌, ಬಸವರಾಜ ಪಾಟೀಲ್ ಸೇಡಂ, ಬಸವರಾಜ ಬೊಮ್ಮಾಯಿ, ಎಚ್. ಡಿ. ಕುಮಾರಸ್ವಾಮಿ, ಯಧುವೀರ ಒಡೆಯರ್‌, ಚಕ್ರವರ್ತಿ ಸೂಲಿಬೆಲೆಯಂತಹ ಬಿಜೆಪಿ, ಆರೆಸ್ಸೆಸ್, ಸಂಘ ಪರಿವಾರದ ನಾಯಕರುಗಳು ಮಾತ್ರ. ಇದರ ದಿವ್ಯಸಾನಿಧ್ಯವನ್ನು ವಹಿಸುತ್ತಿರುವವರು ಇವರೆಲ್ಲರ ನೆಚ್ಚಿನ ಪಂಚಮಸಾಲಿ ಪೀಠದ ವಚನಾನಂದ ಸ್ವಾಮೀಜಿಗಳು.

ಅದಕ್ಕೆ ಈ ಮೂರು ದಿನಗಳ ಕಾರ್ಯಕ್ರಮದಲ್ಲಿ ಹುಡುಕಿದರೂ ಸಾಂಸ್ಕೃತಿಕ ನಾಯಕ ಬಸವಣ್ಣನವರು ಕಾಣಿಸುವುದಿಲ್ಲ.

ಈ ಕಾರ್ಯಕ್ರಮದ ಅಹ್ವಾನ ಪತ್ರಿಕೆಯಲ್ಲಾಗಲಿ, ಮಹಾದ್ವಾರ, ಮುಖ್ಯ ವೇದಿಕೆಗಳಲ್ಲಾಗಲಿ, ಬಸವಣ್ಣನವರ ಚಿತ್ರ ಅಥವಾ ಯಾವುದೇ ಕಾರ್ಯಕ್ರಮದಲ್ಲಾಗಲಿ ಬಸವಣ್ಣನವರ ಸುಳಿವಿಲ್ಲ. ಇದು ಸಂಘ ಪರಿವಾರ ಬಸವಣ್ಣನವರನ್ನು ಕರ್ನಾಟಕದ ಸಾಂಸ್ಕೃತಿಕ ನಾಯಕ ಎಂದು ಒಪ್ಪಿಕೊಂಡಿಲ್ಲವೆಂದು ಸ್ಪಷ್ಟವಾಗಿ ಸೂಚಿಸುತ್ತದೆ.

ಇದು ಸಂಘ ಪರಿವಾರ ಬಸವಣ್ಣನವರನ್ನು ಕರ್ನಾಟಕದ ಸಾಂಸ್ಕೃತಿಕ ನಾಯಕ ಎಂದು ಒಪ್ಪಿಕೊಂಡಿಲ್ಲವೆಂದು ಸ್ಪಷ್ಟವಾಗಿ ಸೂಚಿಸುತ್ತದೆ.

ಕರ್ನಾಟಕದ ಹಬ್ಬ ಎಂದ ಮೇಲೆ ಕಾರ್ಯಕ್ರಮದಲ್ಲಿ ಸಾಂಸ್ಕೃತಿಕ ನಾಯಕರ ಚಿತ್ರ ಹಾಕದೆ ಇರುವುದು ಎಲ್ಲಾ ಕನ್ನಡಿಗರಿಗೆ ತೋರಿರುವ ಅಗೌರವ.

ಸಂಘಪರಿವಾರ ಆಯೋಜಿಸುವ ಕಾರ್ಯಕ್ರಮಗಳಲ್ಲಿ ಬಸವಣ್ಣನವರಿಗೆ ಸಲ್ಲಬೇಕಾದ ಗೌರವ ಸಲ್ಲಿಸದೆ ಅಪಚಾರ ಮಾಡುತ್ತಿರುವುದು ಇದೇ ಮೊದಲಲ್ಲ.

ವಚನ ದರ್ಶನ ಪುಸ್ತಕದಲ್ಲಿ ಬಸವಣ್ಣನವರ ಮೇಲೆ ವ್ಯಾಪಕವಾದ ಚರ್ಚೆಯಾದರೂ ‘ಸಾಂಸ್ಕೃತಿಕ ನಾಯಕ’ ಎಂಬ ಎರಡು ಪದಗಳ ಬಳಕೆ ಇಡೀ ಪುಸ್ತಕದಲ್ಲಿ ಕಾಣಿಸಲೇ ಇಲ್ಲ. ಮಂಗಳೂರಿನಲ್ಲಿ ನಡೆದ ವಚನ ಸಾಹಿತ್ಯ ಸಮ್ಮೇಳನದಲ್ಲಿ ಪೇಜಾವರ ಶ್ರೀಗಳು ಬಸವಣ್ಣನವರ ವಚನ ಹೇಳಿದರು ಆದರೆ ಅವರ ಹೆಸರು ಹೇಳದೆ ತಪ್ಪಿಸಿಕೊಂಡರು.

ಸಂಘಪರಿವಾರದವರಿಗೆ ಬಸವಣ್ಣರೆಂದರೆ ಅಸಡ್ಡೆಯೇ ಅಥವಾ ಭೀತಿಯೇ? ಆದರೆ ಈ ಸಂಪ್ರದಾಯವಾದಿಗಳಿಗೆ ಬಸವಣ್ಣರೆಂದರೆ ಬಿಸಿ ತುಪ್ಪ ಎನ್ನುವುದಂತೂ ನಿಜ.

ಸಂಘ ಪರಿವಾರಕ್ಕೆ ಬಸವಣ್ಣನವರು ಬೇಡ ಆದರೆ ಲಿಂಗಾಯತರ ಮತ ಬೇಕು. ಅದಕ್ಕೆ ತಮ್ಮ ಅತಿ ಬುದ್ಧಿವಂತಿಕೆಯನ್ನು ನಿರಂತರವಾಗಿ ಬಳಸುತ್ತಾರೆ. ಸೇಡಂನಲ್ಲಿ ನಡೆದ ಆರೆಸ್ಸೆಸ್ ಪ್ರಾಯೋಜಿತ ಭಾರತೀಯ ಸಂಸ್ಕೃತಿ ಉತ್ಸವಕ್ಕೆ ಪ್ರಚಾರ ನೀಡಲು ‘ಬಸವ ರಥ’ ಬಿಟ್ಟಿದ್ದರು, ಲಿಂಗಾಯತ ಸ್ವಾಮೀಜಿಗಳನ್ನು ಬಳಸಿಕೊಂಡಿದ್ದರು.

ಈಗ ಈ ಆರೆಸ್ಸೆಸ್ ಕಾರ್ಯಕ್ರಮವನ್ನು ಕೆಎಲ್‌ಇ ಸಂಸ್ಥೆಯ ರಾಜರಾಜೇಶ್ವರಿ ಮಹಿಳಾ ಮಹಾವಿದ್ಯಾಲಯದ ಆವರಣದಲ್ಲಿ ನಡೆಸುತ್ತಿದ್ದಾರೆ. ಇದರ ಪ್ರಚಾರ ಈ ಅಂಶದ ಮೇಲೆಯೇ ಒತ್ತು ಕೊಟ್ಟು ಇದು ಕೆಎಲ್‌ಇ ಸಂಸ್ಥೆಯ ಕಾರ್ಯಕ್ರಮದಂತೆ ಬಿಂಬಿಸುತ್ತಿದ್ದಾರೆ.

ಇದು ಕೆಎಲ್‌ಇ ಸಂಸ್ಥೆಯ ಕಾರ್ಯಕ್ರಮದಂತೆ ಬಿಂಬಿಸುತ್ತಿದ್ದಾರೆ.

ಇದು ದುರುದ್ದೇಶದಿಂದ ಕೂಡಿದ ಅತಿಬುದ್ಧಿವಂತಿಕೆ. ಇವರ ಬಗ್ಗೆ ಕರ್ನಾಟಕದ ಬಸವ ಅನುಯಾಯಿಗಳು ಎಚ್ಚರದಿಂದಿರಲಿ.