ವಿಭೂತಿ ಧರಿಸಿಯೇ ಕೆಲಸಕ್ಕೆ ಹೋಗುತ್ತಿದ್ದ ಅಪರೂಪದ ಅಧಿಕಾರಿ

ಕೊಪ್ಪಳ

ಅನೇಕರು ವಿಭೂತಿ ಧರಿಸಿ ಹೊರಬರಲು, ಕೆಲಸಕ್ಕೆ ಹೋಗಲು ಹಿಂಜರಿಯುತ್ತಾರೆ. ವಿಭೂತಿ ಧರಿಸಿಯೇ ಕೆಲಸಕ್ಕೆ ಹೋಗುತ್ತಿದ್ದ ಹಿರಿಯ ಐಎಎಸ್ ಅಧಿಕಾರಿ ಮಹಾಂತೇಶ ಬೀಳಗಿ ಇದಕ್ಕೆ ಅಪವಾದವಾಗಿದ್ದರು.

ಅವರು ದಾವಣಗೆರೆಯಲ್ಲಿದ್ದಾಗ ಕೆಲವರು ಜಿಲ್ಲಾಧಿಕಾರಿಗಳು ವಿಭೂತಿ ಹಚ್ಚಿಕೊಳ್ಳುತ್ತಾರೆ ಎಂದು ಟೀಕಿಸಿದ್ದರು. ವಿಭೂತಿ ಹಚ್ಚುವುದರಲ್ಲಿ ಏನು ತಪ್ಪಿದೆ ಎಂದು ಮಹಾಂತೇಶ ಬೀಳಗಿ ಮರು ಪ್ರಶ್ನಿಸಿದ್ದರು.

“ಹಣೆಯಲ್ಲಿ ವಿಭೂತಿ ಇದ್ದರೆ ಜನ ಪ್ರತಿಕ್ರಿಯಿಸುವ ಭಾವಕ್ಕೂ, ವಿಭೂತಿ ಇಲ್ಲದಾಗ ಇರುವ ಭಾವಕ್ಕೂ ಬಹಳ ವ್ಯತ್ಯಾಸ ಕಂಡಿದ್ದೇನೆ. ಜಗಳವಾಡಿ ಹೋಗಲೇಬೇಕು ಎಂಬಂತೆ ಬರುವವರು ಕೂಡ ಹಣೆಯಲ್ಲಿ ವಿಭೂತಿ ನೋಡಿ ತಣ್ಣಗೆ ಮಾತನಾಡುತ್ತಾರೆ.

ಐದಾರು ಗಂಟೆ ಕೆಲಸ ಮಾಡಿದಾಗ ವಿಭೂತಿ ಅಳಿಸಿ ಹೋಗುತ್ತದೆ. ಆಗ ಬರುವ ಜನರು ಮಾತನಾಡುವ ರೀತಿಯೇ ಬೇರೆ ಇರುತ್ತಿತ್ತು,” ಎಂದು ಹೇಳಿದ್ದರು.

ಮುಂದುವರೆದು “ದಿನಕ್ಕೆ ಐದಾರು ಗಂಟೆಗಳ ಕಾಲ ಲಿಂಗಪೂಜೆ ಮಾಡುತ್ತಾ ಕೂರುವುದಕ್ಕಿಂತ ವಿಭೂತಿ ಹಚ್ಚಿಕೊಂಡು ದೇವರಿಗೆ ಕೈ ಮುಗಿದು ನಮ್ಮ ಕಾಯಕವನ್ನು ನಿಷ್ಠೆಯಿಂದ ಮಾಡುವುದೇ ಲಿಂಗಪೂಜೆ ಎಂದು ತಿಳಿದಿದ್ದೇನೆ,” ಎಂದು ತಾವು ವಿಭೂತಿ ಧರಿಸುತ್ತಿದ್ದ ಕಾರಣವನ್ನೂ ನೀಡಿದ್ದರು.

ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/H81yNL3dGRcHb7EBxL5oqr