ಹಜರತ್ ಸೈಯದ್ ಬಾದಷಾ ಹಾಗೂ ಶ್ರೀ ಶಿವಪ್ಪಜ್ಜನವರ ಉರುಸು ಪ್ರಯುಕ್ತ ಆಗಸ್ಟ್ ೨೮ ಬುಧವಾರದಂದು ಬಾಗಲಕೋಟೆ ಜಿಲ್ಲೆಯ ಬಾದಾಮಿ ಪಟ್ಟಣದಲ್ಲಿ ಪ್ರತಿವರ್ಷದಂತೆ ಈ ಬಾರಿಯೂ “ಶರಣರ ನಡಿಗೆ ಭಾವೈಕ್ಯತೆಯ ಕಡೆಗೆ” ಕಾರ್ಯಕ್ರಮ ಹಜರತ್ ಸೈಯದ್ ಸಾದಾತ ದರ್ಗಾ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ನಡೆಯಲಿದೆ.
ಗಂಧ ದಿನವಾದ ಅಂದು ಮಧ್ಯಾಹ್ನ 2 ಗಂಟೆಗೆ ಹಿರೇ ಮಸೂತಿಯಿಂದ ಅಜ್ಜನವರ ಮನೆಯ ಮಾರ್ಗವಾಗಿ ಸಾಗಿ, ದರ್ಗಾದವರೆಗೆ ನಡಿಗೆ ನಡೆಯಲಿದೆ. ಸಮಾಜದಲ್ಲಿ ನೆಲೆಯೂರಿರುವ ಭಾವೈಕ್ಯತೆಯನ್ನು ಮತ್ತೆ ಸಾರಲು ಪ್ರತಿ ವರ್ಷ ಈ ಕಾರ್ಯಕ್ರಮ ನಡೆಯುತ್ತದೆ.
ಆಗಸ್ಟ್ ೨೯ ಗುರುವಾರ ದರ್ಗಾದ ಉರುಸು ನಡೆಯಲಿದೆ ಅಂದೇ ಮಹಾಪ್ರಸಾದ ದಾಸೋಹ ಇರಲಿದೆ.
ದರ್ಗಾದ ಪೀಠಾಧಿಪತಿಗಳಾದ ಹಜರತ್ ಸೈಯದ್ ಮುಬಾರಕ್ ಬಾದಷಾ ಇವರ ನೇತೃತ್ವದಲ್ಲಿ, ಬಾದಾಮಿ ನವಗ್ರಹ ಹಿರೇಮಠದ ಪೂಜ್ಯ ಶಿವಪೂಜಾ ಶಿವಾಚಾರ್ಯಸ್ವಾಮಿ, ನವಲಗುಂದ ಗವಿಮಠದ ಪೂಜ್ಯ ಬಸವಲಿಂಗಸ್ವಾಮಿ, ವಿಜಯಪುರದ ಹಜರತ್ ಸೈಯದ್ ಮೊಹಮ್ಮದ್ ಗೇಸುದರಾಜ್ ಹುಸೇನಿ,
ಇಳಕಲ್ಲದ ಹಜರತ್ ಸೈಯದ್ ಷಾ ಮುರ್ತುಜಾ ಹುಸೇನಿ ಅಲ್ ಖಾದ್ರಿ ಅಲ್ ಮಾರೂಫ್ ಫೈಸಲ್ ಪಾಷಾ,
ನರಗುಂದ ಬೈರನಹಟ್ಟಿ ದೊರೆಸ್ವಾಮಿ ಮಠದ ಪೂಜ್ಯ ಶಾಂತಲಿಂಗ ಸ್ವಾಮಿಗಳು, ಕೊಂಡಗೂಳಿಯ ಪ್ರಶಾಂತ ದೇವರು, ಸಿಂಧನೂರು ಚಿಂತಾಪಲ್ಲಿಯ ಗುರು ಡಾಕ್ಟರ್ ಗಫೂರ್ ತಾತನವರು, ಸಿಂಧನೂರು ಹಜರತ್ ಸೈಯದ್ ಷಾ ರಫಿಯುದ್ದಿನ ಖಾದ್ರಿ, ನೀಡಿಗೋಳ ಸೂಫಿ ಶರಣ ಹಜರತ್ ಸೈಯದ್ ಹುಸೇನಸಾಹೇಬ,
ನರಗುಂದ ಮೆಬುಸುಬಾನಿ ದರ್ಗಾದ ಹಜರತ್ ಬಾಬುಸಾಬ ಶರಣರು, ಅಸೂಟಿಯ ರೇವಣಸಿದ್ದ ಸ್ವಾಮಿಗಳು, ಬಾದಾಮಿಯ ಮುದುಕಯ್ಯ ಹಿರೇಮಠ ಸ್ವಾಮಿಗಳು, ಶರಣಯ್ಯ ಹಿರೇಮಠ ಸ್ವಾಮಿಗಳು ಹಾಗೂ ದರ್ಗಾದ ಮುತವಲ್ಲಿ ಜನಾಬ ಮೆಹಬೂಬಸಾಹೇಬ ಮುಲ್ಲಾ ಮತ್ತೀತರರು ಭಾವೈಕ್ಯತಾ ನಡಿಗೆಯಲ್ಲಿ ಹೆಜ್ಜೆ ಹಾಕಲಿದ್ದಾರೆ.
