ಎಂ ಬಿ ಪಾಟೀಲ್, ಲಿಂಗಾಯತ ಪೂಜ್ಯರನ್ನು ಅವಾಚ್ಯವಾಗಿ ನಿಂದಿಸಿದ ಯತ್ನಾಳ್

“ನೀವು ಸುಮ್ಮನೆ ಮುಖ, ತಿ* ಮುಚ್ಚಿಕೊಂಡು ಇರಬೇಕು ಅಷ್ಟೆ”

ವಿಜಯಪುರ

ಜಿಲ್ಲೆಯಿಂದ ಕನ್ನೇರಿ ಕಾಡಸಿದ್ದೇಶ್ವರ ಸ್ವಾಮಿಯ ನಿರ್ಬಂಧದ ವಿಚಾರವಾಗಿ ಶಾಸಕ ಬಸನ ಗೌಡ ಯತ್ನಾಳ್ ಮಾಧ್ಯಮಗಳೊಂದಿಗೆ ಶನಿವಾರ ಮಾತನಾಡಿದರು.

ಈ ಸಂದರ್ಭದಲ್ಲಿ ಲಿಂಗಾಯತ ಪೂಜ್ಯರ, ಪ್ರಮುಖರ ಮೇಲೆ ಯತ್ನಾಳ್ ಬಳಸಿರುವ ಭಾಷೆಯನ್ನು ಸಮುದಾಯಕ್ಕೆ ತಿಳಿಸಲು ವಿಡಿಯೋ ಸಹಿತ ಯಥಾವತ್ತಾಗಿ ವರದಿ ಮಾಡಿದ್ದೇವೆ.

ಲಿಂಗಾಯತ ಪೂಜ್ಯರ ಮೇಲೆ ಕನ್ನೇರಿ ಸ್ವಾಮಿ ಬಳಸಿರುವ ಭಾಷೆ ಸರಿಯೇ ಎಂದು ಪತ್ರಕರ್ತರೊಬ್ಬರು ಪ್ರಶ್ನೆ ಕೇಳಿದರು.

ಆಗ ಯತ್ನಾಳ್ “ಆ ನಿಜಗುಣಾನಂದ ಹೇಗೆಲ್ಲ ಮಾತನಾಡಿದ್ದಾನೆ. ಹಿಂದೂ ಧರ್ಮದ ಬಗ್ಗೆ ಏನು ಮಾತನಾಡಿದ್ದಾನೆ, ಗೋವುಗಳ ಬಗ್ಗೆ ಏನು ಮಾತನಾಡಿದ್ದಾನೆ. ವೀರಭದ್ರನ ಬಗ್ಗೆ ಇಳಕಲ್‌ ಸ್ವಾಮಿ ಬಗ್ಗೆ ಏನು ಮಾತನಾಡಿದ್ದಾನೆ. ಮೊದಲು ಇವರಿಂದ ಅಶಾಂತಿ ಉಂಟಾಗುತ್ತೆ, ಇವರನ್ನ ಒಳಗಡೆ ಹಾಕಬೇಕು, ಎಂದು ಹೇಳಿದರು.

ಮುಂದುವರೆದು “ಸಾಣೇಹಳ್ಳಿ ಸ್ವಾಮೀಜಿ ಲಿಂಗಾಯತ ಮತ್ತು ಇಸ್ಲಾಂ ಎರಡೂ ಸಮಾನ ಎಂಬರ್ಥದಲ್ಲಿ ಹೇಳಿಕೆ ಕೊಡುತ್ತಿದ್ದಾನೆ. ಇಂತಹ ನಕಲಿ ಸ್ವಾಮೀಜಿಗಳು ಕಾವಿ ಧರಿಸಿದ್ದು, ಮೊದಲು ಅವರ ಕಾವಿ ತೆಗೆಯಬೇಕು. ಇಸ್ಲಾಂನ ಹಸಿರು ಬಟ್ಟೆ ಧರಿಸಬೇಕು.

ಈ ಸ್ವಾಮೀಜಿಗಳು ನಕ್ಸ್‌ಲೈಟ್ ವಿಚಾರಧಾರೆ ಹೊಂದಿದ್ದಾರೆ. ಸನಾತನ ಧರ್ಮದ ಬಗ್ಗೆ ಟೀಕೆ ಮಾಡುವುದೇ ಆದರೆ ತಕ್ಷಣವೇ ಕಾವಿ ಬಟ್ಟೆ ತ್ಯಾಗ ಮಾಡಬೇಕು,” ಎಂದು ಯತ್ನಾಳ್ ಆಗ್ರಹಿಸಿದರು.

ಮುಖ, ತಿ* ಮುಚ್ಚಿಕೊಳ್ಳಿ

ಸಚಿವ ಎಂ.ಬಿ. ಪಾಟೀಲ ವಿರುದ್ಧ ಅವಾಚ್ಯ ಶಬ್ದ ಬಳಸಿ ವಾಗ್ದಾಳಿ ನಡೆಸಿದ ಶಾಸಕ ಯತ್ನಾಳ ಕನ್ನೇರಿ ಶ್ರೀಗಳು ಯಾವುದೇ ಪರಿಸ್ಥಿತಿಯಲ್ಲಿಯೂ ಕ್ಷಮೆ ಕೇಳುವುದಿಲ್ಲ.

ನ್ಯಾಯಾಲಯದಲ್ಲಿ ಗೆದ್ದು ಭವ್ಯ ಮೆರವಣಿಗೆ ಮುಖಾಂತರ ವಿಜಯಪುರಕ್ಕೆ ಶ್ರೀಗಳನ್ನ ಕರೆ ತರುತ್ತೇವೆ. ಎಂ.ಬಿ.ಪಾಟೀಲರೇ ನೀವು ಸುಮ್ಮನೆ ಮುಖ, ತಿ* ಮುಚ್ಚಿಕೊಂಡು ಇರಬೇಕು ಅಷ್ಟೆ ಎಂದು ವಾಗ್ದಾಳಿ ನಡೆಸಿದರು.

ಲಿಂಗಾಯತರು ಎಷ್ಟಿದ್ದಾರೆ?

ಕೇವಲ ಲಿಂಗಾಯತರು ನಿಮಗೆ ಓಟ ಹಾಕಲಿ, ಲಿಂಗಾಯತರು ಎಷ್ಟಿದ್ದಾರೆ? ಎಲ್ಲರ ಮನೆಯಲ್ಲೂ ಪಂಚ ಪೀಠದವರಿದ್ದಾರೆ. ಎಂ.ಬಿ.ಪಾಟೀಲರೇ ಪ್ರತ್ಯೇಕ ಲಿಂಗಾಯತ ಧರ್ಮದ ಬಗ್ಗೆ ಮಾತನಾಡಿದ್ದು ಅತಿಯಾಯಿತು. ನೀವು ಇದನ್ನೆ ಮಾಡುತ್ತಾ ಹೋದ್ರೆ ಹಿಂದೂಗಳು ನಿಮಗೆ ಬುದ್ಧಿ ಕಲಿಸಬೇಕಾಗುತ್ತೆ. ಹಿಂದೂಗಳ ವೋಟು ಬೇಡವೇ?

ಚಪ್ಪಲಿಯಿಂದ ಹೊಡೆದವರು ಗುಂಡಾಗಳು

ಕನ್ನೇರಿ ಸ್ವಾಮಿ ವಿರುದ್ಧ ಘೋಷಣೆ ಕೂಗಿ, ಅವರ ಚಿತ್ರಕ್ಕೆ ಚಪ್ಪಲಿಯಿಂದ ಹಿಡಿದವರು ಗುಂಡಾಗಳು ಬಸವ ಭಕ್ತರಲ್ಲ, ಎಂದು ಯತ್ನಾಳ್ ಹೇಳಿದರು.

ಬಸವಣ್ಣನವರ ಬ್ರಾಹ್ಮಣರಾಗಿಯೇ ಉಳಿದರು

ಬಸವಣ್ಣ ಲಿಂಗಾಯತ ಧರ್ಮ ಸ್ಥಾಪನೆ ಮಾಡಿದ ಕುರುಹು ಇಲ್ಲ ವೀರಶೈವ ಮತ್ತು ಲಿಂಗಾಯತರು ಬೇರೆಯಲ್ಲ. ಲಿಂಗಾಯತ, ವೀರಶೈವರು ಹಿಂದೂ ಧರ್ಮದ ಭಾಗ. ಬಸವಣ್ಣ ಹಾಗೂ ಪಂಚಪೀಠಗಳು ಬೇರೆಯಲ್ಲ. ಬಸವಣ್ಣ ಲಿಂಗಾಯತ ಸಮಾಜದ ಸ್ಥಾಪಿಸಿದ ಬಗ್ಗೆ ಯಾವುದೇ ಕುರುಹುಗಳು ಸಹ ಇಲ್ಲ ಎಂದು ಶಾಸಕ ಬಸನಗೌಡ ಪಾಟೀಲ್‌ ಯತ್ನಾಳ್‌ ಹೇಳಿದರು.

ಹಿಂದೂ ಸಮಾಜದಲ್ಲಿರುವ ಕೆಟ್ಟ ಸಂಪ್ರದಾಯ, ಮೂಢನಂಬಿಕೆಗಳನ್ನು ಹೋಗಲಾಡಿಸಲು ಅನೇಕ ಸಮಾಜ ಸುಧಾರಕರು ಶ್ರಮಿಸಿದರು. ಹಾಗೆ ಬಸವಣ್ಣನವರು ಸಹ ಮಾಡಿದರು. ಬಸವಣ್ಣನವರ ಮೂಲ ಜಾತಿ ಬ್ರಾಹ್ಮಣ. ಅವರು ಬ್ರಾಹ್ಮಣರಿಂದ ಲಿಂಗಾಯತರಾಗಿ ಪರಿವರ್ತನೆಯಾದ ಬಗ್ಗೆ ಎಲ್ಲೂ ದಾಖಲೆ ಇಲ್ಲ ಎಂದು ಹೇಳಿದರು.

ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/H81yNL3dGRcHb7EBxL5oqr