ಬಸವಕಲ್ಯಾಣ:
ನಿತ್ಯ ಸತ್ಯವಾಗಿರುವ ಬಸವತತ್ವದ ಮೇಲೆ ಅನೇಕ ದಾಳಿಗಳು ನಡೆಯುತ್ತಿವೆ. ಅದರೂ ಬಸವತತ್ವ ಶಾಶ್ವತವಾಗಿ ಜನಮನದಲ್ಲಿ ಬೆಳಗುತ್ತಿದೆ, ಎಂದು ಬಸವಬೆಳವಿಯ ಪೂಜ್ಯ ಶರಣಬಸವ ಸ್ವಾಮಿಗಳು, ಶನಿವಾರ ಹೇಳಿದರು.
೪೬ನೆಯ ಶರಣ ಕಮ್ಮಟ ಹಾಗೂ ಅನುಭವಮಂಟಪ ಉತ್ಸವದಲ್ಲಿ ನಡೆದ ‘ಜಾಗತಿಕ ನೆಲೆಯಲ್ಲಿ ಬಸವತತ್ವದ ಪ್ರಸ್ತುತತೆ’ ವಿಷಯದ ಕುರಿತಾಗಿ ನಡೆದ ಚರ್ಚಾ ಗೋಷ್ಠಿಯಲ್ಲಿ ಮಾತನಾಡಿದರು. ಪೂಜ್ಯ ಶಿವಲಿಂಗ ಸ್ವಾಮಿಗಳು, ಪೂಜ್ಯ ಸಿದ್ಧರಾಮ ಸ್ವಾಮಿಗಳು, ಪೂಜ್ಯ ಶಿವಕುಮಾರ ಸ್ವಾಮಿಗಳು, ಪೂಜ್ಯ ಚನ್ನಬಸವ ಸ್ವಾಮಿಗಳು, ಪ್ರಭುದೇವ ಸ್ವಾಮಿಗಳು ಸಾನಿಧ್ಯ ವಹಿಸಿದರು.
ಬಸವಾದಿ ಶರಣರು ಅನುಭಾವದ ಮೂಲಕ ನೀಡಿದ ವಚನಗಳು ಜಗತ್ತಿಗೆ ದಾರಿದೀಪವಾಗಿವೆ. ಸಕಲ ಜೀವಾತ್ಮರ ಕಲ್ಯಾಣವನ್ನು ಬಯಸಿದ ಶರಣರು ಜಾಗತಿಕ ಮಟ್ಟದಲ್ಲಿಯೂ ಪ್ರಸ್ತುತವಾಗಿದ್ದಾರೆ.
ಬಸವತತ್ವವನ್ನು ನಾವು ಸರಿಯಾಗಿ ಅರ್ಥಮಾಡಿಕೊಂಡು ನಮ್ಮ ಮಕ್ಕಳಲ್ಲಿ ಬಿತ್ತಿದ್ದರೆ ಮಕ್ಕಳ ಭವಿಷ್ಯ ಬೆಳಗುತ್ತದೆ. ಹೊಸ ತಂತ್ರಜ್ಞಾನ ಬಳಸಿಕೊಂಡು ಜಾಗತಿಕ ಮಟ್ಟದಲ್ಲಿ ಬಸವತತ್ವ ಬೆಳೆಸಲು ಅನೇಕ ಅವಕಾಶಗಳಿವೆ. ಆದರೆ ಮೊದಲು ನಾವು ಸರಿಯಾಗಿ ಬಸವತತ್ವವನ್ನು ಅರಿತುಕೊಳ್ಳಬೇಕು. ಅಂದಾಗಲೆ ಅದು ಜಾಗತಿಕ ಮಟ್ಟದಲ್ಲಿ ಬೆಳೆಯುತ್ತದೆ ಎಂದು ಶರಣಬಸವ ಸ್ವಾಮಿಗಳು, ನುಡಿದರು.
ಅಧ್ಯಕ್ಷತೆ ವಹಿಸಿದ ಡಾ. ಸೋಮನಾಥ ಯಾಳವಾರ ಅವರು, ಬಸವಾದಿ ಶರಣರ ಮೌಲ್ಯಗಳು ಜನಮನದಲ್ಲಿ ಬಿತ್ತುವ ಅಭಿಯಾನ ಕರ್ನಾಟಕದಲ್ಲಿ ನಡೆದಿದೆ. ಅದರಿಂದ ರಾಜ್ಯಾದ್ಯಂತ ಬಸವತತ್ವದ ಜಾಗೃತಿ ಮೂಡಿದೆ. ವಚನ ಸಾಹಿತ್ಯದ ಅಧ್ಯಯನದಿಂದ ಜನರಲ್ಲಿ ಬಸವಪ್ರಜ್ಞೆ ಬೆಳೆಯುತ್ತಿದೆ ಎಂದು ನುಡಿದರು.
ಬಸವಗುರುಪೂಜೆ, ಕುಪೇಂದ್ರ ಪಾಟೀಲ, ಮಾಲತಿ ಇವಳೆ ಇವರಿಂದ ಜರುಗಿತು. ಮಹಾರಾಷ್ಟ್ರದ ಶಿವಶರಣ ಗೊಂವಿಂದೆ, ಸಂಜಯ ಇಂಡೆ, ಸಂತೋಷ ಮಲಶೆಟ್ಟಿ, ವಿಜಯಕುಮಾರ ಪಾಟೀಲ, ನರ್ಸಿಂಗ್ ಮುಳೆ, ರಾಜೇಂದ್ರ ವಾಂಜೋಳೆ, ರವೀಂದ್ರ ಖೂಬಾ, ನೀಲಕಂಠ ಪಾಟೀಲ, ಶರಣೆ ಶಾರದಾ ಬಾಬುರಾವ ಹುಣಜೆ ಇವರನ್ನು ಸನ್ಮಾನಿಸಲಾಯಿತು.
ತೆಲಂಗಾಣ, ನಾರಾಯಣಖೇಡದ ಶಾಸಕರಾದ ಪಿ. ಸಂಜೀವರೆಡ್ಡಿ ಆಗಮಿಸಿ, ಪೂಜ್ಯರಿಂದ ಆಶೀರ್ವಾದ ಪಡೆದರು. ಜಗನ್ನಾಥ ಪತಂಗೆ, ಡಾ. ಕಲ್ಯಾಣಮ್ಮ ಲಂಗೋಟಿ, ಡಾ. ಅರುಣಕುಮಾರ ಪಾಟೀಲ, ಗುಂಡಪ್ಪ ಕಲಬುರಗಿ, ಭೀಮಣ್ಣ ಮೇಟಿ, ಮಲ್ಲಮ್ಮ ಆರ್. ಪಾಟೀಲ, ಸುರೇಶ ಚನ್ನಶೆಟ್ಟಿ, ಸೋಮಶೇಖರ ಚಿದ್ರಿ, ರಾಜೇಂದ್ರಕುಮಾರ ಗಂದಗೆ, ಸೋಮಶೇಖರ ಪಾಟೀಲ, ಸಂಜುಕುಮಾರ ಅತಿವಾಳೆ, ಸೋಮಶೇಖರ ಮಣ್ಣೂರು, ಕಂಟೆಪ್ಪ ದಾನಾ, ಶರಣಬಸಪ್ಪ ಪಾರಾ, ಕರುಣಾ ಸಲಗರ, ಮುಂತಾದ ಗಣ್ಯರು ಉಪಸ್ಥಿತರಿದ್ದರು.
ಮಲ್ಲಿಕಾರ್ಜುನ ಸಂಗಮಕರ ನಿರೂಪಣೆ ಮಾಡಿದರು. ಸಂಗಯ್ಯ ಸ್ವಾಮಿ ಲೋಕನಾಥ ಚಾಂಗ್ಲೇರ ಅವರಿಂದ ವಚನ ಸಂಗೀತ ಜರುಗಿತು. ಅನುಭವಮಂಟಪ ಸಂಸ್ಕೃತಿ ವಿದ್ಯಾಲಯ ಬೀದರ ಮಕ್ಕಳಿಂದ ವಚನ ನೃತ್ಯ ಹಾಗೂ ಶಿವಯೋಗಿ ಸಿದ್ಧರಾಮೇಶ್ವರ ನಾಟಕ ಜರುಗಿತು. ರವೀಂದ್ರ ಕೋಳಕೂರ ಶರಣು ಸಮರ್ಪಣೆ ಮಾಡಿದರು.
ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/H81yNL3dGRcHb7EBxL5oqr
