ಒಂದು ಸಾರಿಯಲ್ಲ, ನೂರು ಸಾರಿ ಬಸವ ತಾಲಿಬಾನ್ ಅನ್ನುತ್ತೇನೆ: ಕನ್ನೇರಿ ಶ್ರೀ

ಕನೇರಿ‌ಮಠದ ಸ್ವಾಮೀಜಿ ಅವರೊಂದಿಗೆ ಬಸವಣ್ಣನ ಅನುಯಾಯಿಗಳು ನಡೆಸಿದ ಚರ್ಚೆಯ ಕುರಿತ ವಾಸ್ತವ ಚಿತ್ರಣ.
_——_-

ಕನೇರಿಮಠದ ಸ್ವಾಮೀಜಿಯವರ ಜತೆ ಚರ್ಚೆಗೆ ಸಂಪರ್ಕಕ್ಕೆ ಯತ್ನಿಸಿದರು ಸಿಗಲಿಲ್ಲ ಎಂಬುದೇ ಸತ್ಯಕ್ಕೆ ದೂರವಾಗಿದೆ.
ಬಸವ ಅನುಯಾಯಿಗಳು ಮಠಾಧೀಶರೊಬ್ಬರ ಮೂಲಕ ಕನೇರಿ ಸ್ವಾಮೀಜಿಯವರಿಗೆ ವಿಷಯ ತಿಳಿಸಿದ್ದು, ಚರ್ಚೆ ವೇಳೆ ಧಿಕ್ಕಾರ ಕೂಗುವಂತಿಲ್ಲ, ಘೇರಾವ್ ಹಾಕುವಂತಿಲ್ಲ, ಸ್ವಾಮೀಜಿಯವರ ಗೌರವಕ್ಕೆ ಧಕ್ಕೆ ತರುವಂತೆ ವರ್ತಿಸುವಂತಿಲ್ಲ ಎಂದು ಹೇಳಿದ್ದು, ಬಸವ ಅನುಯಾಯಿಗಳ‌ ಜತೆ ಚರ್ಚಿಸಿದ ಮಠಾಧೀಶರೇ ವಿನಃ ಕನೇರಿಮಠದ ಸ್ವಾಮೀಜಿಯವರಲ್ಲ.
ತೋಟದಲ್ಲಿ ನಡೆದ ಚರ್ಚೆ ಆರಂಭಕ್ಕೆ ಬಸವ ಅನುಯಾಯಿಗಳೆಂದರೆ ಹಲವು‌ ಬಣಗಳಿವೆ ನೀವು ಯಾವ ಬಣದವರು, ನನ್ನ ಹೇಳಿಕೆಗೆ ನಿಮಗೆ ಯಾಕೆ ನೋವಾಗಿದೆ ಸ್ವಾಮೀಜಿ‌ ಪ್ರಶ್ನಿಸಿದರು.
ನಾವು ಯಾವ ಬಣಕ್ಕೂ‌ ಸೇರಿದವರಲ್ಲ. ಬಸವಣ್ಣನ ಅನುಯಾಯಿಗಳು ಮಾತ್ರ ಎಂದರು. ವಾಸ್ತವಿಕವಾಗಿ ಬಂದವರಲ್ಲಿ‌ ಬಹುತೇಕರು ಬಸವ ಕೇಂದ್ರ, ಬಸವ ಸಮಿತಿ, ಬಸವ ಚಾರಿಟೇಬಲ್ ಟ್ರಸ್ಟ್, ಜಾಗತಿಕ ಲಿಂಗಾಯತ ಮಹಾಸಭಾ, ಶರಣ ಸಾಹಿತ್ಯ ಪರಿಷತ್ತಿನ ಪದಾಧಿಕಾರಿಗಳಾಗಿದ್ದರೂ ನಾವು ಯಾವ ಬಣಕ್ಕೂ ಸೇರಿದವರಲ್ಲ ಎಂದೇ ಹುಸಿ‌ ನುಡಿದಿದ್ದಾರೆ.
ಬಸವ ತತ್ವಗಳನ್ನು ನೀವು ಎಷ್ಟರ ಮಟ್ಟಿಗೆ ಅಳವಡಿಸಿಕೊಂಡಿದ್ದೀರಿ, ಕಾಯಕ, ನಿತ್ಯ ದಾಸೋಹ ಮಾಡುತ್ತಿದ್ದಿರಾ ಎಂಬ ಸ್ವಾಮೀಜಿ ಪ್ರಶ್ನೆಗೆ ಕೆಲವು ನಮ್ಮ ಶಕ್ಯಾನುಸಾರ ಮಾಡುತ್ತೇವೆ ಎಂದರು. ನಿತ್ಯವೂ ಬೇರೆಯವರಿಗೆ ಪ್ರಸಾದ ಮಾಡಿಸುತ್ತೀರ ಎಂಬ ಪ್ರಶ್ನೆ ಬಹುತೇಕರು ಮೌನಕ್ಕೆ ಜಾರಿದರು.
ಕುಂಕುಮ ಹಚ್ಚಬಾರದೆಂದು‌ ವಚನಗಳಲ್ಲಿ‌ ಇಲ್ಲ ಎಂದಿದ್ದೀರಿ ಒಂದು ವಚನದಲ್ಲಿ‌ಇದೆ ಎಂದಾಗ, ವಚನದ ಕಾಲ, ಸಂದರ್ಭ, ಸನ್ನಿವೇಶ ಏನೆಂದು‌ ಗಮನಿಸದೆ ಒಂದು‌ ವಚನ ವ್ಯಾಖ್ಯಾನಿಸುವುದು ಎಷ್ಟು ಸರಿ. ಬಸವಣ್ಣನವರ ವಚನಗಳಲ್ಲಿಯೇ ಕೆಲ ವೈರುದ್ಯ ಕಾಣುತ್ತವೆ ಹಾಗಂತ ಅದನ್ನು‌ಅದೇ ರೀತಿ ವ್ಯಾಖ್ಯಾನಿಸಲು‌ ಸಾಧ್ಯವೇ. ಒಂದು ವಚನದ ಸನ್ನಿವೇಶ ಇನ್ನೊಂದು ವಚನ ವೇಳೆಗೆ ಇರುವುದಿಲ್ಲ ಎಂದು ಸ್ವಾಮೀಜಿ‌ ಹೇಳಿದರು.
ವೇದಗಳ ವಿಚಾರ ಪ್ರಸ್ತಾಪವಾದಾಗ ವೇದಗಳು ಸುಳ್ಳು ಎನ್ನುವ ನೀವು ವೇದಗಳ ಅಧ್ಯಯನ ಮಾಡಿದ್ದೀರಾ ಎಂದು ಸ್ವಾಮೀಜಿ ಪ್ರಶ್ನಿಸಿದರ.
ನಾವು ವೇದಗಳನ್ನು ಅಧ್ಯಯನ ಮಾಡಿಲ್ಲ.ಬಸವಣ್ಣನವರು ಅವುಗಳ ಅಧ್ಯಯನ ಬೇಡ ಎಂದಿದ್ದಾರೆ‌ ಎಂದಾಗ ವೇದಗಳಲ್ಲಿ‌ಏನಿದೆ ಎಂದು‌ತಿಳಿಯದ ನೀವು ಹೇಗೆ ವೇದಗಳು‌ ಸುಳ್ಳು ಎಂದು‌ ಹೇಳುತ್ತೀರಿ. ಬಸವಣ್ಣನವರ ವಚನಗಳಲ್ಲೇ ವೇದಗಳ‌ ಉಲ್ಲೇಖ‌ ವಚನಗಳು ನನ್ನ ಬಳಿ ಇವೆ ಎಂದು ಸ್ವಾಮೀಜಿ ನುಡಿದರು.
ಕನೇರಿಯ ಶ್ರೀಮಠಕ್ಕೆ ಬನ್ನಿ‌ ನಿಮ್ಮ ಕಡೆಯಿಂದ ಇನ್ನಷ್ಟು ಜಾಣರು, ತಿಳಿದವರಿದ್ದರೂ ಕರೆದುಕೊಂಡು‌ ಬನ್ನಿ‌ ಒಂದೆರಡು‌ ದಿನ‌ ಚರ್ಚೆ ಮಾಡೋಣ. ಮಾ.28ಕ್ಕೆ ಬನ್ನಿ ನಿಮಗೆ ವಾಸ್ತವ್ಯಕ್ಕೆ, ಪ್ರಸಾದಕ್ಕೆ ವ್ಯವಸ್ಥೆ ಮಾಡುತ್ತೇವೆ ಎಂದರು.
ವಾಹನ ವ್ಯವಸ್ಥೆಯನ್ನೂ ಮಾಡುತ್ತೇವೆಂದು ಮತ್ತೊಬ್ಬ ಸ್ವಾಮೀಜಿ ಹೇಳಿದರು.
ಬಂದವರಲ್ಲಿ ಒಬ್ಬರು, ಟಿವಿ ಯಲ್ಲಿ ನೀವು ಬಸವ ತಾಲಿಬಾನ್ ಗಳು, ಹುಚ್ಚ ನಾಯಿಗಳು‌ ಅಂದಿದ್ದೀರಿ, ತಾಲಿಬಾನ್ ಎಂದರೆ ಶಿರಚ್ಛೇದ ಮಾಡುವವರು, ಬಸವಾದಿ ಯಾವ ಶರಣರು ಯಾರ ಶಿರಚ್ಛೇದ ಮಾಡಿದ್ದಾರೆ ತೋರಿಸಿ ಎಂದಾಗ ಕನೇರಿ ಸ್ವಾಮೀಜಿ ಗಣಾಚಾರ ಎಂದರೆ ಏನರ್ಥ ಹೇಳಿ ಎಂದಾಗ ಎಲ್ಲರೂ ಮೌನವಾದರು.
ಮತ್ತೊಬ್ಬರು ಬಸವ ತಾಲಿಬಾನ್ ಎಂದು ಮುಂದೆ ಹೇಳುವುದು ಬೇಡ ಎಂದು ಮನವಿ‌ ಎಂಬುದನ್ನೇ ಒಂದು ರೀತಿ ತಾಕೀತು ಧ್ವನಿಯಲ್ಲಿ ಹೇಳಿದಾಗ ಸ್ವಾಮೀಜಿ ಒಂದು ಸಲವಲ್ಲ, ನೂರು ಬಾರಿ ಹೇಳುತ್ತೇನೆ. ಚರ್ಚೆ ಮಾಡೋಣ‌ ಬನ್ನಿ‌ ಎಂದು ಹೊರನಡೆದರೆ ವಿನಃ ಬಸವ ಅನುಯಾಯಿಗಳು ಹೇಳಿಕೊಂಡಂತೆ ಚರ್ಚೆಗೆ ಹೆದರಿ ಕಾಲ್ಕಿತ್ತಲಿಲ್ಲ.
ತೋಟದ ಮಾಲಿಕ‌ರ ಎರಡು ಮನೆಗಳಿದ್ದು ಬಂದ ಕೂಡಲೇ ಒಬ್ಬರ ಮನೆಗೆ ಹೋಗಿದ್ದರು, ಇನ್ನೊಬ್ಬ ಭಕ್ತ‌ ತಮ್ಮ ಮನೆಗೆ ಪಾದವಿಡುವಂತೆ ಕೇಳಿದ್ದಕ್ಕೆ ಸಭೆಯಿಂದ ಅವರ ನಿವಾಸಕ್ಕೆ ಹೋದರು. ಸಭೆ ಆರಂಭಕ್ಕೆ ಸ್ವಾಮೀಜಿ ಮಠಕ್ಕೆ ಬನ್ನಿ ಚರ್ಚಿಸೋಣ ನಾನು ಹೊರಡುವುದಿದೆ. ಕೆಲ ನಿಮಿಷ ಮಾತ್ರ ಇರುವೆ ಎಂದಿದ್ದರು.
ತೋಟದ ಮಾಲಿಕನ ಮನೆಯಿಂದ ಬಂದು ವಾಹನದಲ್ಲಿ‌ ಕುಳಿತು‌ ಹೋಗುವಾಗಲೂ‌ ಸಭೆ ಸ್ಥಳದಲ್ಲಿ ಬಂದಾಗ ಬಂದವರ ಕಡೆ ಕೈ‌ಮುಗಿದು ಬರುತ್ತೇನೆ ಎಂದು ಸ್ವಾಮೀಜಿಯವರು ಹೇಳಿದಾಗ ಬಸವ ಅನುಯಾಯಿಯೊಬ್ಬರು ನಿಮ್ಮದು‌‌ ಆರ್‌ಎಸ್ ಎಸ್ ಮಠ ಗೊತ್ತಿದೆ ಹೋಗಿ ಎಂದರು. ಮಠಾಧೀಶರು ಎಂದು‌ ನೋಡದೆ, ಕೈ ಮುಗಿದ ಸೌಜನ್ಯವನ್ನು‌‌ ಪರಿಗಣಿಸದೆ ತಿರಸ್ಕಾರ ಭಾವ ತೋರಿದ್ದು ಯಾವ ಬಸವ ಸಂಸ್ಕೃತಿ ಎಂಬ ಪ್ರಶ್ನೆ ಮೂಡುವಂತಿತ್ತು.
ಕನೇರಿ ಸ್ವಾಮೀಜಿಯವರ ಜತೆ ಚರ್ಚೆಗೆ ಬಂದಿದ್ದು 15-18 ಜನ‌ ಮಾತ್ರ 50 ಜನ ಹೋಗಿದ್ದೇವು ಎಂದು‌ ಹೇಳಿಕೊಂಡಿದ್ದಾರೆ.
‘ಕಳಬೇಡ, ಕೊಲಬೇಡ, ಹುಸಿಯ ನುಡಿಯಲು ಬೇಡ … ಎಂಬ ಬಸವಣ್ಣನವರ ವಚನ ಪಾಲನೆ ಇವರಿಂದ ಆಗುತ್ತಿದೆಯೇ? ಬಸವಣ್ಣನ ಅನುಯಾಯಿಗಳೆಂದು‌ ಹೇಳಿಕೊಳ್ಳುವುದಕ್ಕೆ ಇವರು ಅರ್ಹರೇ? ಅಥವಾ ಬಸವಣ್ಣನ ಅನುಯಾಯಿಗಳೆಂದು‌ ಹೇಳಿಕೊಳ್ಳುವವರಿಗೆ ಇಂತಹ ಕಾರ್ಯಗಳಿಗೆ ಬಸವಣ್ಣನವರು‌ ಅನುಮತಿ‌ ಕರುಣಿಸಿದ್ದಾರೆಯೇ ಎಂಬ ಪ್ರಶ್ನೆ ಮೂಡದಿರದು.
——
ಕನೇರಿಮಠದ ಶ್ರೀ ಅದೃಶ್ಯ ಕಾಡಸಿದ್ಧೇಶ್ವರ ಸ್ವಾಮೀಜಿ ಅವರ ಸಾಮಾಜಿಕ‌ ಕಳಕಳಿ, ಸೇವಾಕಾರ್ಯಗಳ‌ ಬಗ್ಗೆ.
ಕನೇರಿಯ ಶ್ರೀ ಕಾಡಸಿದ್ಧೇಶ್ವರ ಮಠವನ್ನು‌ಕೇವಲ‌25-30 ವರ್ಷಗಳಲ್ಲಿ ರಾಷ್ಟ್ರಮಟ್ಟದಲ್ಲಿ ಗುರುತಿಸುವಂತೆ ಮಾಡಿದ್ದಾರೆ.
ಶ್ರೀಮಠ ಧಾರ್ಮಿಕ, ಶೈಕ್ಷಣಿಕ, ಕೃಷಿ, ಆರೋಗ್ಯ, ಸ್ವಯಂ ಉದ್ಯೋಗ, ಸಂಸ್ಕಾರ, ದುಶ್ಚಟಮುಕ್ತ ಸಮಾಜ, ದೇಶಿ ಗೋವುಗಳ‌ ಸಾಕಣೆ ಹೀಗೆ ವಿವಿಧ ಕ್ಷೇತ್ರಗಳಲ್ಲಿ ಅವರ ಸೇವೆ ಅನನ್ಯ.
ಸುಮಾರು 1,500ಕ್ಕೂ ಹೆಚ್ಚು ದೇಶಿ ಗೋವುಗಳನ್ನು ಸಾಕುತ್ತಿದ್ದಾರೆ, ದೇಶಿ ಗೋವುಗಳ ಸಂವರ್ಧನೆಯ ಸ್ವಾಮೀಜಿ‌ಯವರ ಪ್ರೇರಣೆಯಿಂದ ಕರ್ನಾಟಕ, ಮಹಾರಾಷ್ಟ್ರ ಸೇರಿದಂತೆ ವಿವಿಧ ರಾಜ್ಯಗಳ‌ ರೈತರ ಮನೆಗಳಲ್ಲಿ ದೇಶಿ ಹಸು ಸಂತತಿ ವೃದ್ಧಿಸಿದೆ.
ರೈತ ಎಂದಿಗೂ ಸೋಲಬಾರದು, ಅನ್ನದಾತನಲ್ಲಿ ಕೀಳರಿಮೆ ಮೂಡಬಾರದು ಬದಲಾಗಿ ಗೌರವ ನೀಡುವಂತಾಗಬೇಕೆಂಬ ಆಶಯದೊಂದಿಗೆ ಸ್ವಾಮೀಜಿ ಯವರ ಚಿಂತನೆ, ಪ್ರಯತ್ನ, ಪ್ರಯೋಗ ಮಾದರಿ.
ಒಂದು ಎಕರೆನಲ್ಲಿ ಒಂದು ಕುಟುಂಬ ಜೀವನ ನಡೆಸಬಹುದು ಎಂಬುದರ ಮನನಕ್ಕೆ 2015 ರಿಂದ ಸ್ವಾಮೀಜಿಯವರು ಲಕ್ಷಾಧೀಶ ರೈತ ಹೆಸರಲ್ಲಿ ಒಂದು ಎಕರೆಯಲ್ಲಿ 100 ತರಹದ ಬೆಳೆ ಬೆಳೆದು ರೈತರಿಗೆ ಮಾದರಿ‌ ಮುಂದಿಟ್ಟಿದ್ದಾರೆ.
ಮಕ್ಕಳಿಗೆ ಅತ್ಯತ್ತಮ ಶಿಕ್ಷಣ ಸಂಸ್ಕೃತಿ ಸಿಗಬೇಕೆಂಬ ಉದ್ದೇಶದೊಂದಿಗೆ ಜೀವನ ದರ್ಶನ ಶಿಕ್ಷಣದ ಗುರುಕುಲ ಆರಂಭಿಸಿದ್ದು, ಸುಮಾರು 300ಕ್ಕೂ‌ಹೆಚ್ಚು ವಿದ್ಯಾರ್ಥಿಗಳಿಗೆ ನಿಶುಲ್ಕ ಶಿಕ್ಷಣ ನೀಡುತ್ತಿದ್ದಾರೆ.
ಜನರ ಅದರಲ್ಲೂ ಬಡವರಿಗೆ ಅತ್ಯಂತ ಕಡಿಮೆ ವೆಚ್ಚದಲ್ಲಿ ಕಾರ್ಪೊರೇಟ್ ಆಸ್ಪತ್ರೆ ಮಟ್ಟದ ವೈದ್ಯಕೀಯ ಸೇವೆ ಆಶಯದೊಂದಿಗೆ ಆಯುರ್ವೇದ, ಅಲೋಪಥಿ ಆಸ್ಪತ್ರೆ ಆರಂಭಿಸಿದ್ದಾರೆ. ಕರ್ನಾಟಕ, ಮಹಾರಾಷ್ಟ್ರ, ಗೋವಾ ಇನ್ನಿತರ ಕಡೆಯ ಅದೆಷ್ಟೋ ಜನರು ಆರೋಗ್ಯ ಸೇವೆ ಪಡೆದುಕೊಳ್ಳುತ್ತಿದ್ದಾರೆ.
ಕೇವಲ ಗೋವುಗಳಲ್ಲದೆ, ಬೀದಿನಾಯಿಗಳಿಗೂ ಆಶ್ರಯ‌ ಕಲ್ಪಿಸಿದ್ದಾರೆ.
ಯುವಕರಿಗೆ ಸಂಸ್ಕಾರ ನೀಡುವ ನಿಟ್ಟಿನಲ್ಲಿ ಹಲವು ಶಿಬಿರ ನಡೆಸುತ್ತಿದ್ದಾರೆ. ದುಶ್ಚಟಗಳಿಂದ ದೂರವಾಗಿಸುವ ಕಾರ್ಯ ಕೈಗೊಂಡಿದ್ದಾರೆ.
ಸದಾ ಸಮಾಜ, ದೇಶ ಸಮೃದ್ಧ, ಸದೃಢವಾಗಿರಬೇಕೆಂದು ತಮ್ಮದೇ ಕೊಡುಗೆ ನೀಡುತ್ತಿದ್ದಾರೆ.
ಸ್ವಾಮೀಜಿಯವರ ಸಮಾಜಮುಖಿ, ರಾಷ್ಟ್ರಪ್ರೇಮ‌ ನೆಲೆಗಟ್ಟಿನ ಕಾರ್ಯಗಳು ಪ್ರತಿಯೊಬ್ಬರಿಗೂ ಮಾದರಿ.
ಇಂತಹ ಪೂಜ್ಯರ ಬಗ್ಗೆ ಬಾಯಿಗೆ ಬಂದಂತೆ ಹೇಳಿಕೆ ನೀಡುವವರು‌ ಯೋಚಿಸಬೇಕಾಗಿದೆ.
ಸ್ವಾಮೀಜಿ‌ ಹೇಳಿಕೆ ನಮಗೆ ಅವಮಾನವಾಗಿದೆ ಎನ್ನುವವರು ಸ್ವಾಮೀಜಿಯವರ ಬಗ್ಗೆ ಅವಮಾನಕರ ಹಾಗೂ ಏಕವಚನ ಬಳಕೆ ಮಾಡುತ್ತಿರುವುದು ಸರಿಯೇ? ಇದೇನಾ ಬಸವಾದಿ‌ ಶರಣರ‌‌ ಅನುಯಾಯಿಗಳ ಸಂಸ್ಕೃತಿ? .