ನಾಟಕ: ನಿಮ್ಮ ಕನಸಿಗೂ ಒಮ್ಮೆ ಓಡಿ

ಗಣೇಶ ಹಬ್ಬಕ್ಕೆ ವಿಶೇಷ ವಾಸ್ತವದ ಕಥೆ. ಇದು ಯಾವುದೇ ಧರ್ಮ- ಜಾತಿಯ ಬಗ್ಗೆ ಅಲ್ಲ, ವಿಗ್ರಹಾರಾಧನೆಯ ಬಗ್ಗೆಯೂ ಅಲ್ಲ. ಗಣೇಶ ಕೂರಿಸುವವರು ಮತ್ತು ಅದಕ್ಕೆ ಸಹಾಯ ಮಾಡುವವರು ಈ ನಾಟಕವನ್ನು ದಯವಿಟ್ಟು ಓದಲೇಬೇಕು, ಎನ್ನುತ್ತಾರೆ ಚಲನಚಿತ್ರ ನಿರ್ದೇಶಕ ಶಾಂಡಿಲ್ಯ

SCENE 1 — ಬೆಳಗ್ಗೆ | ಗ್ರಾಮದ ರಸ್ತೆ
ಮೂರು ನಿರುದ್ಯೋಗಿ ಯುವಕರು ಟೀ ಅಂಗಡಿ ಮುಂದೆ ಕುಳಿತಿದ್ದಾರೆ.

ರವಿ:
“ಬೆಳಗ್ಗೆ ಎದ್ದು ಕೆಲಸ ಹುಡುಕೋಣ ಅಂತ ಪ್ರತಿದಿನ ಅಂದುಕೊಳ್ತೀವಿ… ಆದರೆ ಕೆಲಸವೇ ನಮ್ಮನ್ನ ಹುಡುಕಿಕೊಂಡು ಬರ್ತಿಲ್ಲ!”

ಮಂಜು:
“ಕೆಲಸ ಸಿಗಲ್ಲ ಅಂತ ಬೇಜಾರು ಮಾಡ್ಕೊಳ್ತೀವಿ… ಸಿಕ್ಕ ಕೆಲಸಕ್ಕೆ ಸಂಬಳ ಕಡಿಮೆ ಅಂತ ಬೇಜಾರು ಮಾಡ್ಕೊಳ್ತೀವಿ!”

ಶಿವು:
“ನಮ್ಮ ಜೀವನದಲ್ಲಿ ಒಂದೇ ಒಂದು permanent thing ಇದೆ… ಅದು ನಿರುದ್ಯೋಗ!”

ಮೂವರು ನಗುತ್ತಾರೆ..
ಅಷ್ಟರಲ್ಲಿ ಪೂಜಾರಿ ಬರುತ್ತಾನೆ.

ಪೂಜಾರಿ:
“ಮಕ್ಕಳೇ… ಒಂದು ಸಹಾಯ ಮಾಡ್ತೀರಾ?”

ರವಿ:
“ಹೇಳಿ ಸ್ವಾಮಿ.”

ಪೂಜಾರಿ:
“ಈ ಊರಲ್ಲಿ ಗಣೇಶನನ್ನು ಕೂರಿಸಬೇಕು. ನನಗೆ ನಿಮ್ಮ ಸಹಾಯ ಬೇಕು. ನಾನು ಒಬ್ಬನೇ ಏನೂ ಮಾಡಲು ಆಗಲ್ಲ.”

ಮೂವರು ಒಬ್ಬರ ಮುಖ ಒಬ್ಬರು ನೋಡಿಕೊಳ್ಳುತ್ತಾರೆ.

ಶಿವು:
“ಕೆಲಸ ಇಲ್ಲ ಅಂತ ಕುಳಿತಿದ್ದೀವಿ… ಗಣೇಶನ ಕೆಲಸ ಆದರೂ ಮಾಡೋಣ!”

—————————————— CUT TO ————————————

SCENE 2 — ಗಣೇಶ ಚಂದಾ | Montage

ಹಿನ್ನೆಲೆಯಲ್ಲಿ energetic music.

ಮೂವರು ಬೆಳಗ್ಗೆ ಬೇಗ ಎದ್ದು ಹೊರಡುತ್ತಾರೆ.

ಮನೆ ಮನೆಗೆ ಹೋಗಿ ಚಂದಾ ಕೇಳುತ್ತಾರೆ.

ಅಂಗಡಿಗಳಿಗೆ ಹೋಗುತ್ತಾರೆ.

ಬಿಸಿಲಿನಲ್ಲಿ ಓಡುತ್ತಾರೆ.

ಕೆಲವರು ₹100 ಕೊಡುತ್ತಾರೆ.

ಕೆಲವರು ₹500 ಕೊಡುತ್ತಾರೆ.

ಕೆಲವರು ಬೈದು ಕಳುಹಿಸುತ್ತಾರೆ.

ಮೂವರು ಮತ್ತೆ ನಗುತ್ತಾ ಮುಂದಕ್ಕೆ ಹೋಗುತ್ತಾರೆ.

ಒಬ್ಬ ವೃದ್ಧ ₹50 ಕೊಡುತ್ತಾನೆ.

ವೃದ್ಧ:
“ನನ್ನಿಂದ ಇಷ್ಟೇ ಆಗುತ್ತೆ ಮಕ್ಕಳೇ.”

ರವಿ:
“ನೀವು ಕೊಟ್ಟಿದ್ದು 50 ರೂಪಾಯಿ ಅಲ್ಲ ಅಜ್ಜ… ನಿಮ್ಮ ನಂಬಿಕೆ.”

ಮೂವರು ಹಣ ಸಂಗ್ರಹಿಸುತ್ತಾರೆ.ಗಣೇಶ ಮೂರ್ತಿ ಬರುತ್ತದೆ.

ಅವರು ಮಂಟಪ ಕಟ್ಟುತ್ತಾರೆ. ಲೈಟಿಂಗ್ ಮಾಡುತ್ತಾರೆ. ಗಣೇಶನನ್ನು ಕೂರಿಸುತ್ತಾರೆ.

—————————————— CUT TO ————————————

SCENE 3 — ಹಬ್ಬದ ನಂತರ

ಹಬ್ಬ ಮುಗಿದಿದೆ.

ಪೂಜಾರಿ ಖುಷಿಯಿಂದ ಮೂವರನ್ನು ನೋಡುತ್ತಾನೆ.

ಪೂಜಾರಿ:
“ನಿಮ್ಮ ಮೂವರು ಇಲ್ಲದಿದ್ದರೆ ಈ ಗಣೇಶ ಹಬ್ಬ ಇಷ್ಟು ಚೆನ್ನಾಗಿ ಆಗ್ತಿರಲಿಲ್ಲ. ದೇವರು ನಿಮಗೆ ಒಳ್ಳೆಯದು ಮಾಡಲಿ.”

ಮೂವರು ನಗುತ್ತಾರೆ.

ಪೂಜಾರಿ ಅಲ್ಲಿಂದ ಹೊರಡುತ್ತಾನೆ.

CUT TO:

ಒಂದು ಹೊಸ TVS ಗಾಡಿ ಮುಂದೆ ಪೂಜಾರಿ ನಿಂತಿದ್ದಾನೆ.

ಅವನು ಗಾಡಿಗೆ ಪೂಜೆ ಮಾಡಿಸುತ್ತಾನೆ.

ಮೂವರು ದೂರದಿಂದ ನೋಡುತ್ತಾರೆ.

ಮಂಜು:
“ನೋಡು… ನಮ್ಮ ಗಣೇಶನ ದುಡ್ಡಿನಿಂದ ಬಂದ ಗಾಡಿ!”

ರವಿ:
“ಅವನ ಜೀವನ ಮುಂದೆ ಹೋಗಿದೆ… ನಾವು ಮಾತ್ರ ಮತ್ತೆ ಅದೇ ಜಾಗದಲ್ಲಿ.”

—————————————— CUT TO ————————————

SCENE 4 — ಶೇಖರ್ ಅವರ ಮಾತು

ಇದನ್ನೆಲ್ಲಾ ನೋಡುತ್ತಿದ್ದ ಶೇಖರ್ ಮೂವರನ್ನು ಕರೆದುಕೊಳ್ಳುತ್ತಾನೆ.

ಶೇಖರ್:
“ನೀವು ಮೂರು ಜನ ಒಂದು ತಿಂಗಳು ಕಷ್ಟಪಟ್ಟಿರಿ. ಬೆಳಗ್ಗಿನಿಂದ ರಾತ್ರಿ ತನಕ ಓಡಾಡಿದಿರಿ. ಆದರೆ ಕೊನೆಗೆ ನಿಮಗೆ ಏನು ಸಿಕ್ಕಿತು?”

ಮೂವರು ಮೌನ.

ಶೇಖರ್:
“ನಿಮ್ಮ ಶ್ರಮದಿಂದ ಒಬ್ಬನಿಗೆ ಗಾಡಿ ಬಂತು. ನಿಮ್ಮ ಬದುಕಿಗೆ ಏನು ಬಂತು?”

ಶಿವು:
“ನಾವು ಏನು ಮಾಡಬೇಕು ಅಣ್ಣ?”

ಶೇಖರ್:
“ನೀವು ಮೂರು ಜನ ಸೇರಿ ಒಂದು ಸ್ವಂತ ಉದ್ಯೋಗ ಶುರುಮಾಡಿ.”

ರವಿ:
“ಅದಕ್ಕೆ ದುಡ್ಡು ಬೇಕಲ್ಲ ಅಣ್ಣ.”

ಶೇಖರ್:
“ಗಣೇಶ ಹಬ್ಬ ಮಾಡಲು ನಿಮ್ಮತ್ರ ದುಡ್ಡಿತ್ತಾ?”

ಮೂವರು ಒಬ್ಬರ ಮುಖ ಒಬ್ಬರು ನೋಡಿಕೊಳ್ಳುತ್ತಾರೆ.

ಶೇಖರ್:
“ದುಡ್ಡಿಲ್ಲದಿದ್ದರೂ ಗಣೇಶನಿಗಾಗಿ ಕೇಳೋಕೆ ನಿಮಗೆ ನಾಚಿಕೆ ಬರಲಿಲ್ಲ. ನಿಮ್ಮ ಬದುಕಿಗಾಗಿ ಕೇಳೋಕೆ ಯಾಕೆ ನಾಚಿಕೆ?”

ಮೂವರು ಮೌನ.

ಶೇಖರ್:
“ಗಣೇಶನ ಹಬ್ಬಕ್ಕೆ ನೀವು ಹೇಗೆ ಮನೆ ಮನೆಗೆ ಹೋಗಿ ಸಹಾಯ ಕೇಳಿದಿರೋ… ಅದೇ ರೀತಿ ಹೋಗಿ…ಆದ್ರೆ ಈ ಸಲ… ದೇವರಿಗಾಗಿ ಅಲ್ಲ. ನಿಮ್ಮ ಭವಿಷ್ಯಕ್ಕಾಗಿ.”

—————————————— CUT TO ————————————

SCENE 5 — ಉದ್ಯೋಗಕ್ಕಾಗಿ ಸಹಾಯ

ಮೂವರು ಮನೆ ಮನೆಗೆ ಹೋಗುತ್ತಾರೆ.

ರವಿ:
“ಅಣ್ಣ… ನಾವು ಒಂದು ಸಣ್ಣ ಉದ್ಯೋಗ ಶುರುಮಾಡಬೇಕು. ನಿಮ್ಮಿಂದ ಸಾಧ್ಯವಾದಷ್ಟು ಸಹಾಯ ಮಾಡಿ.”

ಒಬ್ಬ ವ್ಯಕ್ತಿ:

ವ್ಯಕ್ತಿ:
“ನನ್ನಿಂದ ಆಗಲ್ಲ. ನನಗೂ ತುಂಬಾ ಖರ್ಚು ಇದೆ.”

ಮತ್ತೊಂದು ಮನೆ.

ಮಂಜು:
“ಅಕ್ಕ… ₹500 ಆದರೂ ಸಹಾಯ ಮಾಡಿ.”

ಮಹಿಳೆ:
“ಕ್ಷಮಿಸಿ, ನಮಗೂ ಕಷ್ಟ ಇದೆ.”

ಮತ್ತೊಂದು ಅಂಗಡಿ.

ಶಿವು:
“ಸಾರ್, ನಾವು ಮೂವರು ಸೇರಿ ಕೆಲಸ ಶುರುಮಾಡ್ತೀವಿ. ಸ್ವಲ್ಪ ಸಹಾಯ…”

ಅಂಗಡಿಯವನು:
“ನೀವೇ ಮೊದಲು ಕೆಲಸ ಮಾಡಿ ದುಡ್ಡು ಸಂಪಾದಿಸಿ. ಯಾಕೆ ಬೇರೆವರನ್ನು ಕೇಳ್ತೀರಾ?”

ಮೂವರು ನಿಧಾನವಾಗಿ ಹಿಂದಿರುಗುತ್ತಾರೆ.

ಒಂದು ಮರದ ಕೆಳಗೆ ಕುಳಿತುಕೊಳ್ಳುತ್ತಾರೆ.

ಮಂಜು:
“ಗಣೇಶನಿಗೆ ಕೇಳಿದಾಗ ಎಲ್ಲರೂ ಕೊಟ್ಟರು…”

ರವಿ:
“ನಮ್ಮ ಬದುಕಿಗೆ ಕೇಳಿದಾಗ ಯಾರೂ ಕೊಡಲಿಲ್ಲ.”

ಶಿವು:
“ಬಹುಶಃ… ನಾವು ಕೇಳೋದನ್ನೇ ತಪ್ಪಾಗಿ ಕಲಿತಿದ್ದೀವಿ.”

ಮೂವರು ಎದ್ದು ಹೊರಡುತ್ತಾರೆ.

—————————————— CUT TO ————————————

SCENE 6 — ಒಂದು ವರ್ಷ ನಂತರ

“ಒಂದು ವರ್ಷ ಕಳೆದಿದೆ…”
ಅದೇ ಊರು.

ಮತ್ತೆ ಗಣೇಶ ಹಬ್ಬದ ಸಮಯ.

ಅದೇ ಪೂಜಾರಿ ಬರುತ್ತಾನೆ.

ಅದೇ ಮೂರು ಯುವಕರು ಅವನನ್ನು ನೋಡುತ್ತಾರೆ.

ಪೂಜಾರಿ:
“ಮಕ್ಕಳೇ… ಈ ವರ್ಷವೂ ಗಣೇಶನನ್ನು ಕೂರಿಸಬೇಕು. ನಿಮ್ಮ ಸಹಾಯ ಬೇಕು.”

ಮೂವರು ಒಬ್ಬರ ಮುಖ ಒಬ್ಬರು ನೋಡುತ್ತಾರೆ.

ಸ್ವಲ್ಪ ಮೌನ.

ರವಿ:
“ಸರಿ ಸ್ವಾಮಿ… ಮಾಡೋಣ.”

ಮತ್ತೆ ಮೂವರು ಬೆಳಗ್ಗಿನಿಂದ ಚಂದಾ ವಸೂಲಿ ಮಾಡುತ್ತಾರೆ.

ಅದೇ ಓಡಾಟ.

ಅದೇ ಬಿಸಿಲು.

ಅದೇ ಬೆವರು.

ಅದೇ ಗಣೇಶ ಹಬ್ಬ.

ಹಬ್ಬ ಮುಗಿಯುತ್ತದೆ.

—————————————— CUT TO ————————————

SCENE 7 – ಪೂಜಾರಿ ಈ ಬಾರಿ ಹೊಸ Activa ಮೇಲೆ ಕುಳಿತು ಹೊರಡುತ್ತಾನೆ.

ಮೂವರು ಅವನನ್ನು ನೋಡುತ್ತಾ ನಿಂತಿರುತ್ತಾರೆ.

ಕೆಲವು ಕ್ಷಣ ಮೌನ.

ಶಿವು ನಿಧಾನವಾಗಿ:

ಶಿವು:
“ಕಳೆದ ವರ್ಷ TVS… ಈ ವರ್ಷ Activa…”

ಮಂಜು:
“ಮುಂದಿನ ವರ್ಷ?”

ರವಿ ಅವನತ್ತ ನೋಡುತ್ತಾನೆ.

ಸ್ವಲ್ಪ ನಗು.

ರವಿ:
“ಮುಂದಿನ ವರ್ಷ… ನಾವು ನಮ್ಮದೇ ಗಾಡಿಯಲ್ಲಿ ಇರಬೇಕು.”

ಮೂವರು ಒಬ್ಬರನ್ನೊಬ್ಬರು ನೋಡುತ್ತಾರೆ.

ಶಿವು:
“ಆದ್ರೆ ಈ ಸಲ ಗಣೇಶನಿಗಾಗಿ ಓಡಾಡೋದು ಸಾಕು…”

ರವಿ:
“ಮುಂದಿನ ಸಲ ನಮ್ಮ ಬದುಕಿಗಾಗಿ ಓಡೋಣ.”

ಮೂವರು ನಿಧಾನವಾಗಿ ಮುಂದೆ ನಡೆಯುತ್ತಾರೆ.

—————————————— CUT TO ————————————

SCENE 8 – FINAL SHOT

ಅವರು ಹಾದುಹೋಗುವಾಗ, ಗೋಡೆಯ ಮೇಲೆ ಒಂದು ಪೋಸ್ಟರ್:

“ಸ್ವಂತ ಉದ್ಯೋಗ — ನಿಮ್ಮ ಭವಿಷ್ಯ ನಿಮ್ಮ ಕೈಯಲ್ಲಿ.”

ಮೂವರು ಪೋಸ್ಟರ್‌ನ್ನು ನೋಡುತ್ತಾರೆ.

ರವಿ ನಿಂತು ಹೇಳುತ್ತಾನೆ:

“ದುಡ್ಡು ಇಲ್ಲ ಅಂತ ನಿಲ್ಲಬಾರದು…
ದುಡ್ಡು ಬರೋ ದಾರಿ ಹುಡುಕಬೇಕು.”

FADE OUT.
TITLE CARD:

“ಇತರರ ಕನಸನ್ನು ನನಸು ಮಾಡುವಷ್ಟು ಶ್ರಮ ನಿಮಗಿದ್ದರೆ…ನಿಮ್ಮ ಕನಸಿಗಾಗಿ ಒಮ್ಮೆ ಓಡಿ.”

ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/KwtAu0MkQzPIzsDZf3EOP6