ಬಸವಣ್ಣನವರ ಬಗ್ಗೆ ಕೀಳಾಗಿ ಮಾತಾಡಿದಕ್ಕೆ ಯತ್ನಾಳ್ ಉಚ್ಚಾಟನೆ: ವಿಜಯಾನಂದ ಕಾಶಪ್ಪನವರ

ವಿಜಯಾನಂದ ಕಾಶಪ್ಪನವರ್ ಪಂಚಮಸಾಲಿ ಲಿಂಗಾಯತ ಸಂಘದ ಅಧ್ಯಕ್ಷರು.ಅವರು ಒಬ್ಬ ಪ್ರಜ್ಞಾವಂತ ನಾಯಕ ಆಗಿ ಬಸವನಗೌಡ ಪಾಟೀಲ್ ಯತ್ನಾಳ್ ರನ್ನು ಅಶಿಸ್ತಿನ ವರ್ತನೆಗಾಗಿ ಬಿಜೆಪಿ ಪಕ್ಷ 6 ವರ್ಷ ಉಚ್ಚಾಟನೆ ಮಾಡಿರುವ ಬಗ್ಗೆ ಸೂಕ್ತವಾಗಿ ಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ. ಯತ್ನಾಳ್ ಲಿಂಗಾಯತ ಧರ್ಮದವರು ಆಗಿದ್ದರೂ ತನ್ನ
ಹುಟ್ಟಿದ ಧರ್ಮದ ಬಗ್ಗೆ ನಿಷ್ಠೆ ತೋರದೆ ಬಸವ ತತ್ವದ ವಿರೋಧಿ ಮನು ವಾದಿಗಳ ಪರ ವಕಾಲತ್ತು ವಹಿಸುವುದು ಅವರ ಚಾಳಿ. ಇತ್ತೀಚೆಗೆ ವಿಶ್ವ ಗುರು ಬಸವಣ್ಣ ನವರ ಬಗ್ಗೆ ಸುಳ್ಳುಗಳನ್ನು ಹೇಳಿ ಅನೇಕ ಪ್ರಜ್ಞಾವಂತ ನಾಗರಿಕರು ಮತ್ತು ಲಿಂಗಾಯತ ಮಠಾಧೀಶರ ಅವಕೃಪೆಗೆ ಗುರಿಯಾದರು. ಕಾಶಪ್ಪನವರ್ ಸಹ ಬಸವಣ್ಣ ನವರ ಬಗ್ಗೆ ಯತ್ನಾಳ್ ಕೀಳಾಗಿ ಮಾತನಾಡಿದ್ದಕ್ಕಾಗಿ ಅವರಿಗೆ ಈ ಗತಿ ಬಂದಿದೆ ಎಂದು ಹೇಳಿರುವುದನ್ನು ನಾನು ಸ್ವಾಗತ ಮಾಡುತ್ತೇನೆ. ಯತ್ನಾಳ್ ಗೌಡರಿಗೆ ಮನುವಾದಿ ನಾಯಕ ಸಂತೋಷ್ B.L. ರನ್ನು ಮೆಚ್ಹಿಸುವುದಕ್ಕಾಗಿ ಅವರ ತಾಳಕ್ಕೆ ತಕ್ಕಂತೆ ಕುಣಿಯುವ ವ್ಯಕ್ತಿ. ಸಂತೋಷ್ ಮಹಾಶಯ ವಿಶ್ವಗುರು ಬಸವಣ್ಣ,ಬಸವ ಧರ್ಮ ಮತ್ತು ಲಿಂಗಾಯತ ನಾಯಕರ ಹಿತಶತ್ರು. 2018 ರ ಮಾರ್ಚ್ ತಿಂಗಳಲ್ಲಿ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರ ಲಿಂಗಾಯತ ಧರ್ಮದ ಅನುಯಾಯಿಗಳಿಗೆ ಅಲ್ಪ ಸಂಖ್ಯಾತ ಸ್ಥಾನಮಾನ ನೀಡಲು ಕ್ಯಾಬಿನೆಟ್ ನಲ್ಲಿ ತೀರ್ಮಾನ ಕೈಗೊಂಡು ಅದರ ಅಂತಿಮ ಅನುಮೋದನೆಗಾಗಿ ಕೇಂದ್ರಕ್ಕೆ ಕಳುಹಿಸಿಕೊಡಲಾಯಿತು. ಲಿಂಗಾಯತರಿಗೆ ಅಲ್ಪಸಂಖ್ಯಾತ ಸ್ಥಾನ ಮಾನ ತಪ್ಪಿಸಲು ಬಿಜೆಪಿ ಪಕ್ಷ ಕುತಂತ್ರ ಮಾಡಿ ಶಿಫಾರಸ್ಸನ್ನು ಪರಿಗಣಿಸಲು ಸಾಧ್ಯವಿಲ್ಲ ಎಂದು ಕುಂಟು ನೆಪಗಳನ್ನು ಮುಂದು ಮಾಡಿ ರಾಜ್ಯಕ್ಕೆ ವಾಪಸ್ ಕಳುಹಿಸಲಾಯಿತು. ಕೂಡಲ ಸಂಗಮದ ಪಂಚಮಸಾಲಿ ಲಿಂಗಾಯತ ಪೀಠದ ಶ್ರೀ ಬಸವ ಜಯಮೃತ್ಯುಂಜಯ ಸ್ವಾಮೀಜಿ ಲಿಂಗಾಯತ ಧರ್ಮದ ಅಲ್ಪ ಸಂಖ್ಯಾತ ಸ್ಥಾನಮಾನದ ಹೋರಾಟದ ಮುಂದಾಳು ಆಗಿದ್ದರು. ಪಂಚಮಸಾಲಿ ಗಳು ಲಿಂಗಾಯತರಲ್ಲಿ ಬಹುಸಂಖ್ಯಾತರು ಎಂದು ಅರಿತು ಮನುವಾದಿಗಳು ಪಂಚಮಸಾಲಿ ಸಮಾಜವನ್ನ ಲಿಂಗಾಯತ ಧರ್ಮದ ಹೋರಾಟದಿಂದ ಹೊರಕ್ಕೆ ತರಲು 2018 ರ ವಿಧಾನಸಭಾ ಚುನಾವಣೆಯಲ್ಲಿ ಯಡ್ಯೂರಪ್ಪ ರನ್ನು ಮುಂದೆ ಬಿಟ್ಟು ಹಿಂದುಳಿದ ವರ್ಗಗಳ 2 ಎ ಮೀಸಲಾತಿ ಕೊಡುವ ಆಸೆ ತೋರಿಸಿ ಲಿಂಗಾಯತ ಒಗ್ಗಟ್ಟನ್ನು ಒಡೆದು ಅಧಿಕಾರಕ್ಕೆ ಬಂದರು. ಪಂಚಮ ಸಾಲಿಗಳು ಅಲ್ಪ ಸಂಖ್ಯಾತ ಸ್ಥಾನಮಾನ ನೀಡುವ ಪ್ರಯತ್ನ ಮಾಡಿ ದ್ದವರನ್ನು ಮರೆತು 2 ಎ ಮೀಸಲಾತಿ ಆಸೆ ತೋರಿಸಿದವರ ಪರ ನಿಂತು ಅಧಿಕಾರಕ್ಕೆ ತಂದರು. ಯಡ್ಯೂರಪ್ಪ ತಾವು ಚುನಾವಣಾ ಪೂರ್ವದಲ್ಲಿ ಕೊಟ್ಟ ಮಾತಿನಂತೆ ನಡೆದುಕೊಳ್ಳಲಿಲ್ಲ. ಇದನ್ನೇ ನೆಪ ಮಾಡಿಕೊಂಡು ಬಸವ ಜಯಮೃತ್ಯುಂಜಯ ಸ್ವಾಮೀಜಿ ರವರನ್ನು ಬಳಸಿಕೊಂಡು ಯಡ್ಯೂರಪ್ಪ ರನ್ನು ಮುಖ್ಯ ಮಂತ್ರಿ ಸ್ಥಾನದಿಂದ ಕೆಳಗೆ ಇಳಿಸಲು ಸಂತೋಷ್ ಯತ್ನಾಳ್ ಗೌಡರಿಗೆ ಸುಪಾರಿ ಕೊಟ್ಟು ಯಶಸ್ವಿಯಾದರು. ಅನಂತರ ಅಧಿಕಾರಕ್ಕೆ ಬಂದ ಬಸವರಾಜ್ ಬೊಮ್ಮಾಯಿ ಆಡಳಿತ ಕಾಲದಲ್ಲಿ 2ಎ ಮೀಸಲಾತಿ ಹೋರಾಟ ಸಾಂಕೇತಿಕವಾಗಿ ಮುಂದುವರೆಸಿದರು. ಬೊಮ್ಮಾಯಿ ಪಂಚನಸಾಲಿಗಳಿಗೆ 2 ಎ
ಮೀಸಲಾತಿ ಕೊಡದೆ ಅವರನ್ನು ಮೂರು ದಾರಿಯಲ್ಲಿ ಕುಳಿಸಿ 2ಡಿ ಕೊಟ್ಟು ಸ್ವಾಮೀಜಿಗೆ ದಾರಿ ತಪ್ಪಿಸಿದರು. ಸ್ವಾಮೀಜಿ 2023 ರ ಚುನಾವಣೆ ಪೂರ್ವದಲ್ಲಿ ಮೀಸಲಾತಿಗಾಗಿ ತಾವು ನಡೆಸುತ್ತಿದ್ದ ಹೋರಾಟ ಕೊನೆ ಗೊಳಿಸಿದರು. ಅಂತೂ ಇಂತೂ ಕುಂತಿ ಮಕ್ಕಳಿಗೆ ರಾಜ್ಯವಿಲ್ಲ ಎಂಬ ಗಾದೆಮಾತು ಪಂಚಮಸಾಲಿ ಅನ್ವಯ ಆಗುವಂತೆ ಮಾಡಿದರು. ಇದರ ಹಿಂದೆ ನಿಂತಿದ್ದವರು ಯತ್ನಾಳ್ ಗೌಡರು. ಇದೇ ಯತ್ನಾಳ್ ಗೌಡರನ್ನು ಬಿಟ್ಟು ಬಸವ ಜಯಮೃತ್ಯುಂಜಯ ಸ್ವಾಮೀಜಿ ಯ ವರನ್ನು ಬಸವ ತತ್ವದಿಂದ ವಿಮುಖ ಮಾಡಿಸಿ ಮನುವಾದಕ್ಕೆ ಒಗ್ಗಿಸಿ ಬಿಜೆಪಿ ಪಕ್ಷದ ಇಚ್ಚೆಯಂತೆ ಕಾರ್ಯ ಕ್ರಮ ಕೈಗೊಳ್ಳುವಂತೆ ಮಾಡಿದರು. ಎಲ್ಲಾ ಪಕ್ಷಗಳನ್ನೂ ಸಮಾನವಾಗಿ ನೋಡಬೇಕಾದ ಸ್ವಾಮೀಜಿ ಕಾಶಪ್ಪನವರ್ ಮಾತಿನಂತೆ ಪಕ್ಕಾ ಬಿಜೆಪಿ ಸ್ವಾಮೀಜಿ ಆದರು. ಬಿಜೆಪಿ ಆಡಳಿತ ಕಾಲದಲ್ಲಿ ಸಾಂಕೇತಿಕ ಹೋರಾಟ ಮಾಡುತ್ತಿದ್ದ ಸ್ವಾಮೀಜಿ ಕಾಂಗ್ರೆಸ್ ಆಡಳಿತ ಕಾಲದಲ್ಲಿ ಕೊಡಲಾಗದ 2ಎ ಮೀಸಲಾತಿಗಾಗಿ ವಿಧಾನ ಸೌಧಕ್ಕೆ ಬಲ ಪ್ರಯೋಗದಿಂದ ಮುತ್ತಿಗೆ ಹಾಕಲು ಯತ್ನಿಸಿ ವಿಫಲರಾದರು. ಸ್ವಾಮೀಜಿ ಯಾವುದೇ ಪಕ್ಷದ ಪರವಾಗಿ ನಿಲ್ಲದೆ ಪಕ್ಷಾತೀತವಾಗಿ ಮುಂದೆ ನಡೆದುಕೊಳ್ಳಲಿ ಎಂದು ಆಶಿಸುತ್ತೇನೆ. ಅವರಲ್ಲಿ ಮಸಕು ಆಗಿರುವ ಬಸವ ಪ್ರಜ್ಞೆ ಜಾಗೃತ ಆಗಲಿ ಎಂದು ನಾನು ಬಯಸುತ್ತೇನೆ. ಅವರಿಗೆ ಅಧಮ್ಯ ಶಕ್ತಿಯನ್ನು ಬಸವ ತತ್ವದ ಪ್ರಚಾರಕ್ಕಾಗಿ ಮೀಸಲು ಇಡಲಿ. ಬಿಜೆಪಿ ಪ್ರಭಾವದಿಂದ ಹೊರಗೆ ಬರುತ್ತಾರೆ ಎಂಬ ಆಶಾಭಾವನೆ ನನಗೆ ಇದೆ.