ವಚನ ಸಾಹಿತ್ಯ ತಿರುಚುತ್ತಿರುವ ಹಿಂದುತ್ವ ಸಮಾವೇಶದ ವಿರುದ್ಧ ಪ್ರತಿಭಟನಾ ರ್ಯಾಲಿ
ಕಲಬುರಗಿ
ಸೆಪ್ಟೆಂಬರ್ 27ರಂದು ಕಲಬುರಗಿಯಲ್ಲಿ ಆಯೋಜಿಸಿರುವ ಬಸವಾದಿ ಶರಣರ ಹಿಂದೂ ಸಮಾವೇಶವನ್ನು ವಿರೋಧಿಸಿ ಸೆಪ್ಟಂಬರ್ 25ರಂದು ನಗರದಲ್ಲಿ ಪ್ರತಿಭಟನಾ ರ್ಯಾಲಿ ಹಾಗೂ ವಿಚಾರ ಸಂಕಿರಣ ಹಮ್ಮಿಕೊಳ್ಳಲಾಗಿದೆ ಎಂದು ಬಸವತತ್ವ ಹಾಗೂ ಸಂವಿಧಾನ ಸಂರಕ್ಷಣಾ ಹೋರಾಟ ಸಮಿತಿ ಮುಖಂಡರು ತಿಳಿಸಿದರು.
“ಅಂದು ಬೆಳಗ್ಗೆ 11 ಗಂಟೆಗೆ ಕನ್ನಡ ಭವನದಿಂದ ಜಗತ್‌ ವೃತ್ತದವರೆಗೆ ಬೃಹತ್ ರ್ಯಾಲಿ ನಡೆಸಿ, ಜಗತ್‌ನಲ್ಲಿ ವಿಚಾರ ಸಂಕಿರಣ ನಡೆಸಲಾಗುವುದು ಎಂದು ಸಮಿತಿ ಪ್ರಮುಖರಾದ ಆರ್.ಜಿ. ಶೆಟಗಾರ ಮತ್ತು ಮೀನಾಕ್ಷಿ ಬಾಳಿ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.
ವೈದಿಕರ ತತ್ವ, ವರ್ಣಾಶ್ರಮವನ್ನು ವಿರೋಧ ಮಾಡಿದ 12ನೇ ಶತಮಾನದ ಬಸವಣ್ಣನವರ ವಚನಗಳನ್ನು ತಿರುಚುವ ಕೆಲಸವನ್ನು ಕೆಲವರು ಮಾಡುತ್ತಿದ್ದಾರೆ. ಬಹುತ್ವ ಭಾರತಕ್ಕೆ ಅಂಟಿದ ಕ್ಯಾನ್ಸರ್ ನಂತಿರುವ ಅರ್‌ಎಸ್‌ಎಸ್‌, ಲಿಂಗಾಯತ ಮಠಾಧೀಶ ಕನ್ನೇರಿ ಸ್ವಾಮಿಯನ್ನು ಮುಂದೆ ಮಾಡಿಕೊಂಡು ಕಲಬುರಗಿಗೆ ಕಾಲಿಡುತ್ತಿದೆ. ಈ ಸ್ವಾಮೀಜಿಯ ಅಸಂವಿಧಾನಿಕ ಪದ ಬಳಕೆಗೆ ಕೋರ್ಟ್‌ ಛೀಮಾರಿ ಹಾಕಿ, ವಿಜಯಪುರ ಮತ್ತು ಬಾಗಲಕೋಟೆ ಜಿಲ್ಲೆಗಳಿಗೆ ಕಾಲಿಡದಂತೆ ಆದೇಶಿಸಿತ್ತು. ಬಸವ ಕಲ್ಯಾಣದಲ್ಲಿ ಬಾಯಿ ತೆರೆಯದಂತೆ ನಿರ್ಬಂಧ ವಿಧಿಸಿತ್ತು. ಇದೀಗ ಕಲಬುರಗಿ ನೆಲದಲ್ಲೂ ಕೋಮುವಾದ ಬಿತ್ತುವ
ಕೆಲಸಕ್ಕೆ ಮುಂದಾಗಿದ್ದಾರೆ ಎಂದು ಅವರು ಆರೋಪಿಸಿದರು.
ಬಸವಾದಿ ಶರಣರ ಹಿಂದೂ ಸಮಾವೇಶದ ಹೆಸರಿನಲ್ಲಿ ಕೆಲವರು ಬಿಜೆಪಿ ಚುನಾವಣಾ ಕುತಂತ್ರದ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. 12ನೇ ಶತಮಾನದ ಮಾನವತಾವಾದಿ ಬಸವಣ್ಣ ಜಗತ್ತಿನ ಮೊದಲ ಸಮಾಜವಾದಿಯಾಗಿದ್ದಾರೆ. ಅಂತಹ ಶರಣರನ್ನು ಇಟ್ಟುಕೊಂಡು ಸಮಾನತೆ ಇಲ್ಲದ ಹಿಂದೂ ಧರ್ಮದ ಜೊತೆ ತಳಕು ಹಾಕುವುದು ಖಂಡನೀಯ ಎಂದರು.
ಶರಣರನ್ನು ಕೇಂದ್ರವಾಗಿಟ್ಟುಕೊಂಡು ಯಾರಾದರೂ ಚಿಂತನ ಮಂಥನ ಮಾಡಬಹುದು. ವೈದಿಕರು ಕೂಡ ಕೋಮುವಾದವನ್ನು ಬದಿಗಿಟ್ಟು ಹಿಂದೂ ಸಮಾವೇಶ ಮಾಡಿಕೊಳ್ಳಬಹುದು. ಆದರೆ, ಬಸವಾದಿ ಶರಣರನ್ನು ಹಿಂದೂ ಧರ್ಮದೊಂದಿಗೆ ಜೋಡಿಸುವುದು ನೀಚ ಕೆಲಸವಾಗಿದೆ ಎಂದು ಡಾ. ಮೀನಾಕ್ಷಿ ಬಾಳಿ ಟೀಕಿಸಿದರು.
ಸಮಿತಿ ಗೌರವಾಧ್ಯಕ್ಷ ಪ್ರೊ. ಆರ್.ಕೆ. ಹುಡಗಿ ಮಾತನಾಡಿ, ಎಂಎಲ್ಸಿ ಬಿ.ಜಿ. ಪಾಟೀಲ ನೇತೃತ್ವದಲ್ಲಿ ಈ ವರ್ಷದ ಬಸವ ಜಯಂತಿ ಮಾಡಲಾಗಿದೆ. ಇದೀಗ ಅವರ ಮಗ ಚಂದು ಪಾಟೀಲ ಅವರು ಆರ್‌ಎಸ್‌ಎಸ್‌ ಬೆಂಬಲದಿಂದ ಬಸವಾದಿ ಶರಣರ ಹಿಂದೂ ಸಮಾವೇಶದ ನೇತೃತ್ವ ವಹಿಸುತ್ತಿದ್ದಾರೆ. ಅವರಿಗೆ ನಮ್ಮ ಧಿಕ್ಕಾರ ಇದೆ ಎಂದು ಹೇಳಿದರು.
ಸಮಿತಿ ಅಧ್ಯಕ್ಷ ಅರ್ಜುನ, ಭದ್ರೆ, ಪಿಡ್ಡಪ್ಪ ಜಾಲಗಾರ, ರವೀಂದ್ರ ಶಾಬಾದಿ, ಅಶೋಕ ಘೂಳಿ, ರವಿ ಸಜ್ಜನ, ಶಾಮ ನಾಟೀಕಾರ ಹಾಗೂ ಸುಧಾಮ ಧನ್ನಿ ಮತ್ತಿತರರಿದ್ದರು.
ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/KwtAu0MkQzPIzsDZf3EOP6
ಜೈ ಲಿಂಗಾಯತ 👏🏻ಶರಣು 👏🏻👏🏻
ಈ ಸಮಾವೇಶದ ಮೂಲ ಯಾರು? ಇದನ್ನು ಆಯೋಜಿಸಲು ಪ್ರೇರಕರು ಮತ್ತು ಧನಸಹಾಯಕರಾರು ಎಂಬ ವಿಷಯಗಳನ್ನು ಕಲೆಹಾಕಬೇಕು. ಆವ್ಯಕ್ತಿ ಗುಂಪು ಎಲ್ಲ ವ್ಯಕ್ತಿಗಳನ್ನು ಗುರುತಿಸಿ ಅವರ ಕುತಂತ್ರವನ್ನು ಬಯಲಿಗೆ ತರಬೇಕು. ಆಸಂಘಟಕರನ್ನುನನ್ಯಾಯಾಲಯಕ್ಕೆ ಎಳೆದುತರುವಕೆಲಸವಾಗಬೇಕು.
👍yes i agree with you sir
ಕಾಡ ಸಿದ್ದೇಶ್ವರ ಮೂಲ ಗುರುಗಳು ಬಸವ ತತ್ವ ನಿಷ್ಠರು ಅಲ್ಲದೆ ಅವರ ವಚನಗಳಲ್ಲಿ ಬಸವ ಶರಣರ ವಚನಗಳನ್ನು ರಚಿಸಿ ಆಚರಣೆಯಲ್ಲಿ ತಂದಿದ್ದಾರೆ. ಆದರೆ ಈಗಿನ ಸ್ವಾಮಿಗಳು ಅದರ ವಿರುದ್ಧವಾದ ನಿಲುವು ಕೇಳಿದ್ದಾರೆ. ಅಲ್ಲದೆ ಅರಮನೆ, ಗುರುಮನೆ, ಪುರೋಹಿತ ವರ್ಗದ ಆಚರಣೆಗಳಿಂದ ಮಠ ಅಪವಿತ್ರ ಗೊಳಿಸಿದ್ದಾರೆ. ಅವರು ವೇದ, ಎಗ್ನೆ ಮತ್ತು ಬಸವ ಬಳಗದವರೆಂದು ಹೇಳಿ ಪೀಠ ಅಲಂಕರಿಸಿ, ಅವಹೇಳನ ಮಾಡುತ್ತಿದ್ದಾರೆ. ಅದಕ್ಕೆ ಅವರಿಗೆ, ಜಾಗತಿಕ ಲಿಂಗಾಯತ ಮಹಾ ಸಭೆಯ ವತಿಯಿಂದ ಲೀಗಲ್ ನೋಟಿಸ್ ಜಾರಿ ಮಾಡಲು ಈಮೂಲಕ ತಮ್ಮಲಿ ಕೋರಿಕೆ. ಈ ಕೆಳಗಿನ ಎಲ್ಲ. ಮಾಹಿತಿ ಕೋರಿ: ೧)ವೈದಿಕ ಧರ್ಮದ ಉದಯ ಯಾವಾಗ ಆಯಿತು?. ೨) ಧರ್ಮ ಸಂಸ್ಥಾಪಕರು ಯಾರು, ?ವರ್ಷ, ಕಾಲ ಇತ್ಯಾದಿ. ೩) ಧರ್ಮ ಗ್ರಂಥ ಯಾವುದು.? ೪) ಧರ್ಮದ ಭಾಷೆ ಯಾವುದು?. ೫) ಧರ್ಮ ಗುರು ಯಾರು.? ೬) ಧರ್ಮ ಲಾಂಛನ ಯಾವುದು.? ೬) ಧರ್ಮದ ಉಪಾಸನೆಗೆ ಒಬ್ಬ ದೇವರು ಯಾರು. ? ೭) ಅವರ ದೇವರು ಸಾಕರವೋ, ನಿರಾಕರವೂ? ೮) ಚೈತನ್ಯವೂ, ಜಡವೋ? ೯) ಧರ್ಮದ ದ್ವಜ ಯಾವುದು? ೧೦) ಅವರ ಧರ್ಮದ ಮೂಲ ಉದ್ದೇಶ ಹಾಗೂ ಸಂಸ್ಕೃತಿಯ ಮೂಲ ಕಾರಣ ಏನು? ಇತ್ಯಾದಿ, ಇತ್ಯಾದಿ ಮಾಹಿತಿ ಕೇಳುವ ಮೂಲಕ ನೋಟಿಸ್ ಜಾರಿಮಾಡಬೇಕು. ಸುಮ್ಮನೆ ಜನರ ಹಣದಲ್ಲೂ ಸಭೆ ನಡೆಸಿ ತೆಗಳಿ, ಹೊಗಳಿ, ಕೆಲವು ವಿಚಾರಗಳನ್ನು ಜನರ ಮೇಲೆ ಹೇರಿದರೆ ಆಗದು. ಜಮಾದಾರ ಸರ್ ಅವರಲ್ಲಿ ನನ್ನ ಮನವಿ. ದೇವರು ಎಲ್ಲರಿಗೂ ಒಳ್ಳೆಯದು ಮಾಡಲಿ, ಶರಣು ಶರಣಾರ್ಥಿ.