ಮೆಟ್ಟಿನಿಂದ ಹೊಡೆಯುವುದು ಶಾಖೆಯಲ್ಲಿ ಕಲಿಸುವ ಸಂಸ್ಕೃತಿಯೇ, ಕನ್ನೇರಿ ಶ್ರೀ?

ಬೆಂಗಳೂರು

ಸರ್ವೋಚ್ಚ ನ್ಯಾಯಾಲಯದಲ್ಲಿ ಮುಖ್ಯ ನ್ಯಾಯಮೂರ್ತಿಗಳ ಮೇಲೆ ಶೂ ಎಸೆಯಲು ಒಬ್ಬ ಲಾಯರ್ ಪ್ರಯತ್ನ ಪಡುತ್ತಾನೆ. ಇದೊಂದು ಅಮಾನವೀಯ, ಅಸಂವಿಧಾನಿಕ ಘಟನೆ.

ಶೂ ಎಸೆತವನ್ನು ಸಮರ್ಥಿಸಿಕೊಳ್ಳುತಿರುವ ಒಂದು ದೊಡ್ಡ ಬಳಗ ಇದಕ್ಕಿಂತಲೂ ಹೆಚ್ಚಿನ ರಾಕ್ಷಸತನ ತೋರಿಸುತ್ತಿದ್ದಾರೆ. ರಸ್ತೆಯಲ್ಲಿ ಶೂನಿಂದ ಹೊಡೆಯಬೇಕಿತ್ತು, ಎಂದು ಕೆಲವರು ಪ್ರಲಾಪಿಸಿದ್ದಾರೆ.

ಒಬ್ಬ ನ್ಯಾಯಮೂರ್ತಿ ವಿಚಾರಣೆಯ ಸಂಧರ್ಭದಲ್ಲಿ ಹೇಳಿದ್ದು ಸಮ್ಮತಿಯಿಲ್ಲದಿದ್ದರೆ ಅದನ್ನು ವಿರೋಧಿಸಲು ಅನೇಕ ಜನತಂತ್ರೀಯ ಮಾರ್ಗಗಳಿವೆ. ಪ್ರತಿಭಟನೆ ವ್ಯಕ್ತಪಡಿಸಲು “ಶೂ” ಎಸೆಯಬೇಕೆಂದು ಯಾವ ಸನಾತನ ಧರ್ಮ ಹೇಳಿದೆ.

ಇದೆ ಸಂಸ್ಕೃತಿಯನ್ನು ಕನ್ನೇರಿ ಕಾಡಸಿದ್ದೇಶ್ವರ ಶ್ರೀ ಮಹಾರಾಷ್ಟ್ರದ ಜತ್ತ ತಾಲೂಕಿನ ಬೀಳೂರು ಗ್ರಾಮದಲ್ಲಿ ಅಕ್ಟೊಬರ್ 9 ನಡೆದ ಕಾರ್ಯಕ್ರಮದಲ್ಲಿ ತೋರಿದ್ದಾರೆ. ಅಲ್ಲಿ ಬಸವ ಸಂಸ್ಕೃತಿ ಅಭಿಯಾನದಲ್ಲಿ ಭಾಗವಹಿಸಿದ್ದ ನಾಲ್ಕು ನೂರಕ್ಕೂ ಹೆಚ್ಚಿನ ವಿರಕ್ತ ಸ್ವಾಮಿಗಳನ್ನು “** ಮಕ್ಕಳು” ಎಂದೂ ಅವರಿಗೆ “****ನಿಂದ ಹೊಡೆಯಬೇಕು” ಎಂದು ಯಾವುದೇ ಸಂತತನದ ಸ್ಪರ್ಶವೂ ಇಲ್ಲದೇ ಭಾಷಣ ಮಾಡಿದ್ದಾರೆ.

ಇನ್ನೊಬ್ಬರ ವಿಚಾರ, ತತ್ವ ಒಪ್ಪಿಗೆಯಾಗದಿದ್ದರೆ ಈ ರೀತಿಯ ಕೀಳು ಪ್ರತಿಕ್ರಿಯೆ ನೀಡುವುದೇ ಇವರೆಲ್ಲಾ ಪ್ರತಿಪಾದಿಸುತ್ತಿರುವ ಸನಾತನ ಸಂಸ್ಕೃತಿಯೇ?

ಇವೇನಾ ಇವರೆಲ್ಲರಿಗೂ ಸನಾತನದ ಧರ್ಮಗ್ರಂಥ ಭಗವದ್ಗೀತೆ ಹೇಳಿಕೊಟ್ಟಿರುವ ಸಂಸ್ಕಾರುಗಳು. ಇದೇನಾ ಇವರು ಶಾಖೆಗಳಲ್ಲಿ ಕಲಿತ ಮೌಲ್ಯಗಳು?

ಇವರೆಲ್ಲ ದೇಶದ ಪ್ರಥಮ ಭಯೋತ್ಪಾದಕ ನಾತೂರಾಮ್ ಗೋಡ್ಸೆ ಸಂತಾನದವರೇ ಆಗಿದ್ದಾರೆ. ಈ ಸಂತಾನ ಬಳಗ ಅದೇ ಸಂಸ್ಕೃತಿಯನ್ನು ಮುಂದುವರಿಸುತ್ತಿದೆ.

ಇದೇ ಸಂಸ್ಕೃತಿಯವರು ಪ್ರಸಿದ್ಧ ವಿದ್ವಾಂಸ ಬಸವ ಭಕ್ತ ಡಾ. ಎಂ. ಎಂ. ಕಲಬುರ್ಗಿ ಅವರಿಗೆ ಗುಂಡು ಹಾಕಿ ಹತ್ಯೆ ಮಾಡಿದರು. ಇದೇ ಸಂತಾನದವರು ಪರ್ತಕರ್ತೆ ಗೌರಿ ಲಂಕೇಶ್ ಅವರಿಗೆ ಗುಂಡು ಹಾಕಿ ಹತ್ಯೆ ಮಾಡಿದರು.

ಇವರು ಅಂಬೇಡ್ಕರ್, ಬಸವಣ್ಣ, ಗಾಂಧೀಜಿಯ ಅನುಯಾಯಿಗಳನ್ನು ಮತ್ತವರು ಪ್ರತಿಪಾದಿಸುವ ಮೌಲ್ಯಗಳನ್ನು ನಿರ್ನಾಮ ಮಾಡಲು ವ್ಯವಸ್ಥಿತ, ಸಂಘಟಿತ ಪ್ರಯತ್ನ ನಡೆಸುತ್ತಿದ್ದಾರೆ.

ಇದೇ ಭಾಷಣದಲ್ಲಿ ಬಸವ ಸಂಸ್ಕೃತಿ ಅಭಿಯಾನವನ್ನು ಸಂಘಟಿಸಿದವರನ್ನು “ಮುಖ್ಯಮಂತ್ರಿ ಕೃಪಾಪೋಷಿತ ಲಿಂಗಾಯತ ಮಠಾಧೀಶರ ಒಕ್ಕೂಟ” ಎಂದು ಕರೆದಿದ್ದಾರೆ. ಹಾಗಾದರೆ ಅಯೋಧ್ಯೆಯಲ್ಲಿ ರಾಮ ಮಂದಿರದ ಉದ್ಘಾಟನೆಯನ್ನು ಮಾಡಿದ್ದು, ಪ್ರಯಾಗ್ ರಾಜ್ ನಲ್ಲಿ ಕುಂಭ ಮೇಳ ನಡೆಸಿದ್ದು ಯಾವ ಕೃಪಾಪೋಷಿತ ಸಂಘ ಎಂದು ಕರೆಯಬಹುದು?

ಇಂತಹ ನುಡಿಮುತ್ತನ್ನು ಸಭಿಕರು ಸಂಭ್ರಮಿಸುತ್ತಾರೆ ಎಂದರೆ ನಮ್ಮ ಸಮಾಜ ಎತ್ತ ಹೋಗುತ್ತಿದೆ?

ಹರಕು ಬಾಯಿ ಕನ್ನೇರಿ ಶ್ರೀ ಕ್ಷಮೆ ಕೇಳದಿದ್ದರೆ ಕೇಸ್ ದಾಖಲು

ಬಸವ ಮೀಡಿಯಾ ವಾಟ್ಸ್ ಆಪ್ ಗುಂಪು ಸೇರಲು ಕ್ಲಿಕ್ ಮಾಡಿ
https://chat.whatsapp.com/LtQQbJpNF0P0HdzSbg74pu