ಹುಬ್ಬಳ್ಳಿ:
ನಾಡಿನ ಸಾಂಸ್ಕೃತಿಕ ಹಬ್ಬ ‘ವಿಜಯದಶಮಿ’ ಅಂಗವಾಗಿ ಹುಬ್ಬಳ್ಳಿಯಲ್ಲಿ ಶರಣೆಯರ ವಚನ ಹಾಗೂ ಅವರ ಜೀವನ ದರ್ಶನ ಕುರಿತಾದ “ವಚನ ದರ್ಬಾರ್” 9ನೇ ದಿನದ ಕಾರ್ಯಕ್ರಮ ನಡೆಯಿತು.
ಬಸವ ಕೇಂದ್ರ-ಮಹಿಳಾ ಘಟಕದಿಂದ ಹುಬ್ಬಳ್ಳಿಯ ಗೋಕುಲ ರಸ್ತೆಯಲ್ಲಿರುವ ಬಸವ ಕೇಂದ್ರದ ಸಭಾಭವನದಲ್ಲಿ ಶರಣೆಯರ ವಚನ ಚಿಂತನೆಯ ಅನುಭಾವದಲ್ಲಿ, ಶರಣೆ ಶಶಿಕಲಾ ಕೊಡೇಕಲ್ಲ ಅವರು ಶರಣೆ ಕಾಳವ್ವೆಯ ವಚನ ವಿಶ್ಲೇಷಣೆ ಮಾಡಿದರು.
ಲಕ್ಷ್ಮಿ ಲಿಂಗಶೆಟ್ಟರ ಪ್ರಾರ್ಥಿಸಿದರು. ಬಸಮ್ಮ ಕೋಟಿ ನಿರೂಪಿಸಿದರು. ಅಧ್ಯಕ್ಷತೆಯನ್ನು ಸುನಿಲಾತಾಯಿ ಬ್ಯಾಹಟ್ಟಿ ವಹಿಸಿಕೊಂಡಿದ್ದರು. ಬಸವ ಕೇಂದ್ರದ ಅಧ್ಯಕ್ಷರಾದ ಪ್ರೊ. ಜಿ.ಬಿ. ಹಳ್ಯಾಳ ಉಪಸ್ಥಿತರಿದ್ದರು.
ಸ್ನೇಹಾ ಬೂಸನೂರ ಅವರು ಸ್ವಾಗತ, ಪರಿಚಯ ಮತ್ತು ಶರಣು ಸಮರ್ಪಣೆಯನ್ನು ಮಾಡಿದರು. ಎಲ್ಲರಿಗೂ ಪ್ರಸಾದ ವ್ಯವಸ್ಥೆಯನ್ನು ಮಾಡಲಾಗಿತ್ತು.
