ವೀರಭದ್ರಪ್ಪ ಕುರಕುಂದಿ ಬಯಲು

ನಾಡಿನ ಪ್ರಮುಖ ಗುರುಗಳಿಂದ ಲಿಂಗೈಕ್ಯ ಶರಣರಿಗೆ ಭಾವಪೂರ್ಣ ಶ್ರದ್ಧಾಂಜಲಿ

ಲಿಂಗೈಕ್ಯ ಶರಣ ವೀರಭದ್ರಪ್ಪ ಅವರಿಗೆ ಸ್ವಗ್ರಾಮ ಕುರಕುಂದಿಯಲ್ಲಿ ನುಡಿನಮನ ಸಲ್ಲಿಸಲಾಯಿತು.

ಲಿಂಗೈಕ್ಯ ಶರಣರ ದರ್ಶನ ಪಡೆದ ಗದಗಿನ ಡಾ. ತೋಂಟದ ಸಿದ್ಧರಾಮ ಶ್ರೀ

ಶರಣರ ಅಂತಿಮ ದರ್ಶನಕ್ಕೆ ಸಿಂಧನೂರಿನಲ್ಲಿ ಜನಸಾಗರ

ಸಿಂಧನೂರಿನಲ್ಲಿ ಅಂತಿಮ ಯಾತ್ರೆ: ಮೆರವಣಿಗೆಯ ದೃಶ್ಯಗಳು

ಕೊನೆಯ ಬಾರಿಗೆ ಸಿಂಧನೂರಿಗೆ ಬಂದ ವೀರಭದ್ರಪ್ಪ ಶರಣರು

ನೆನ್ನೆ ರಾತ್ರಿ ಬೆಂಗಳೂರಿನಿಂದ ಹೊರಟ ಆಂಬುಲೆನ್ಸ್ ಸಿಂಧನೂರಿಗೆ ಬಂದು ತಲಪಿದೆ. ಈಗ ಮೆರವಣಿಗೆಯ ಮೂಲಕ ಎನ್.ಜಿ.ಓ ಕಾಲೋನಿಯಲ್ಲಿರುವ ನೀಲಾಂಬಿಕಾ ಪ್ರಸಾದ ನಿಲಯಕ್ಕೆ ಅಂತಿಮ ದರ್ಶನಕ್ಕೆ ಕರೆದುಕೊಂಡು ಹೋಗಲಾಗುತ್ತಿದೆ.

ಇಂದು ರಾತ್ರಿ ಸಿಂಧನೂರಿಗೆ ಪ್ರಯಾಣ

ಶರಣರ ಪ್ರಾರ್ಥೀವ ಶರೀರವನ್ನು ಇಂದು ರಾತ್ರಿ 8 ಗಂಟೆಗೆ ಬೆಂಗಳೂರಿನಿಂದ ಸಿಂಧನೂರಿಗೆ ತೆಗೆದುಕೊಂಡು ಹೋಗಲಾಗುವುದು. ನಾಳೆ ಮಧ್ಯಾಹ್ನ ಸಿಂಧನೂರಿನಲ್ಲಿ 3 ಗಂಟೆಗೆ ಅಂತ್ಯಕ್ರಿಯೆ .

ನಾಳೆ ಸಿಂಧನೂರಿನಲ್ಲಿ ಅಂತಿಮ ಯಾತ್ರೆಯ ವಿವರ

ಸೋಮವಾರ ಬೆಳಿಗ್ಗೆ 05-00ಗಂಟೆಗೆ ಶರಣರ ಪಾರ್ಥಿವ ಶರೀರವು ಗಂಗಾವತಿಯ ರಸ್ತೆಯಲ್ಲಿ ಬರುವ ಐ.ಬಿ. ಮುಂದೆ ಆಗಮಿಸಲಿದೆ.

ಅಲ್ಲಿ ಮೌನ ಸಂತಾಪ ಸೂಚಿಸಿ, ಪುಷ್ಪ ನಮನ ಸಲ್ಲಿಸಿ, ಅಲ್ಲಿಂದ ಗಾಂಧಿ ವೃತ್ತ, ಬಸವ ವೃತ್ತಕ್ಕೆ ಆಗಮಿಸಿ, ಬಸವಣ್ಣನವರ ರೂಪ ಚಿತ್ರಕ್ಕೆ ಮಾಲಾರ್ಪಣೆ ಮಾಡಲಾಗುವುದು. ಅಲ್ಲಿಂದ ಮುಂದೆ ಸಾಗಿ ಎನ್.ಜಿ.ಓ ಕಾಲೋನಿಯಲ್ಲಿರುವ ನೀಲಾಂಬಿಕಾ ಪ್ರಸಾದ ನಿಲಯದಲ್ಲಿ ಬೆಳಿಗ್ಗೆ 05-30ಗಂಟೆಯಿಂದ 08-00ಗಂಟೆಯವರೆಗೆ ಸಿಂಧನೂರಿನ ಶರಣ ಬಂಧುಗಳಿಗೆ ಅಂತಿಮ ಧರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದ್ದು,

ನಂತರ ಸಿಂಧನೂರಿನ ತಾಲೂಕಿನ ಕುರುಕುಂದಾ ಗ್ರಾಮಕ್ಕೆ ತೆರಳಿ ಅಲ್ಲಿ 09-00ಗಂಟೆ ಯಿಂದ 03-00 ಗಂಟೆಯವರೆಗೆ ಶರಣ ಬಂಧುಗಳಿಗೆ ಅಂತಿಮ ದರ್ಶನ ಮತ್ತು ಬಸವ ಬಂಧು ಬಳಗದವರಿಂದ ಮತ್ತು ಕುಟುಂಬದವರಿಂದ ನುಡಿ ನಮನ.

03-00ಗಂಟೆಗೆ ಅಂತ್ಯಕ್ರಿಯೆಯು ನೆರವೇರುವುದು.

ವೀರಭದ್ರಪ್ಪ ಕುರುಕುಂದಿ ಅಪ್ಪ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವಾಗ

‘ಶರಣರ ಶಕ್ತಿ ಸಿನೆಮಾ ನೋಡಲು ಬಂದವರು ಹುಷಾರು ತಪ್ಪಿದರು’

ಬಹಳ ವರ್ಷಗಳಿಂದ ವೀರಭದ್ರಪ್ಪ ಕುರಕುಂದಿ ಅವರ ಜೊತೆ ನಿತ್ಯದ ಒಡನಾಟದಲ್ಲಿದ್ದ ಹನುಮಂತಪ್ಪ ಬೇರಗಿ ಅವರ ಮಾತಿನಲ್ಲಿ:

ಅಪ್ಪ ಬೆಂಗಳೂರಿನಲ್ಲಿ ಶರಣರ ಶಕ್ತಿ ಚಿತ್ರ ನೋಡಲು ಸಿಂಧನೂರಿನಿಂದ ಬೆಂಗಳೂರಿಗೆ ಬಂದವರು ಹುಷಾರು ತಪ್ಪಿದರು. ಒಂದೆರಡು ಬಾರಿ ಜ್ವರ ಬಂದಿತ್ತು ಉಸಿರಾಟದ ತೊಂದರೆ ಕೂಡ ಆಗಿತ್ತು.

ಬೆಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಎರಡು ವಾರ ಅಡ್ಮಿಟ್ ಆಗಿದ್ದರು. ನಂತರ ಅವರನ್ನು ಮಣಿಪಾಲ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಗಿತ್ತು. ಕಳೆದ ಬುಧವಾರ ಅವರ ಪರಿಸ್ಥಿತಿ ಬಿಗಡಾಯಿಸಿದಾಗ ICUಗೆ ಸೇರಿಸಿ ಅಲ್ಲಿ ವೆಂಟಿಲೇಟರ್ ನೆರವಿನಿಂದ ಆಮ್ಲಜನಕ ಪೂರೈಸಲಾಗುತ್ತಿತ್ತು. ಆದರೆ ಯಾವುದೂ ಫಲಕಾರಿಯಾಗಲಿಲ್ಲ.

ಶರಣರಿಗೆ ಶ್ರದ್ಧಾಂಜಲಿ

ಅನಾಥ ಪ್ರಜ್ಞೆ: ಎಸ್ ಎಂ ಜಾಮದಾರ್, ಬೆಂಗಳೂರು

ಇಂದು ಸಿಂಧನೂರು ಶ್ರೀ ವೀರಭದ್ರಪ್ಪ ಕುರಕುಂದಿ ಅವರು ಲಿಂಗೈಕ್ಯರಾಗಿರುವುದು ನಮ್ಮೆಲ್ಲರಿಗೂ ಅತೀವ ದುಃಖದ ಸಂಗತಿ. ಲಿಂಗಾಯತ ಧರ್ಮ, ಅದರ ನಿಜಾಚರಣೆಗಳನ್ನು ಅತ್ಯಂತ ಶಿಸ್ತುಬದ್ಧವಾಗಿ ಆಚರಣೆಗೆ ತರುವಲ್ಲಿ ಅವರದು ಬಹು ದೊಡ್ಡ ಪಾತ್ರ. ಅವರನ್ನು ಕಳೆದುಕೊಂಡು ನಾವೆಲ್ಲ ಈಗ ಅನಾಥ ಪ್ರಜ್ಞೆ ಅನುಭವಿಸುತ್ತಿದ್ದೇವೆ. ಅವರ ಕುಟುಂಬಕ್ಕೆ ಈ ಆಘಾತವನ್ನು ಸಹಿಸುವ ಶಕ್ತಿಯನ್ನು ದೇವರು ಕರುಣಿಸಲಿ ಎಂದು ನಾವು ಪ್ರಾರ್ಥಿಸುತ್ತೇವೆ.

ನಮ್ಮೆದೆಯಲ್ಲಿ ಬದುಕಿಸಿಕೊಳ್ಳೋಣ: ಅಶೋಕ ಬರಗುಂಡಿ

ಈ ಧರ್ಮ ಪ್ರಸಾರದ ಸಾರಥ್ಯವನ್ನು ವಹಿಸಿಕೊಳ್ಳುವ ಹಾಗೂ ಈ ಧರ್ಮವನ್ನು ಬದುಕುವ ಸಂಕಲ್ಪವನ್ನು ನಾವೆಲ್ಲ ಹೊಂದಬೇಕೆಂಬುದೇ ಅವರ ಅಂತಿಮ ಸಂದೇಶವಾಗಿದೆ. ಅವರನ್ನು ನಮ್ಮೆದೆಯಲ್ಲಿ ಬದುಕಿಸಿಕೊಳ್ಳೋಣ. ಶರಣು ಶರಣಾರ್ಥಿಗಳು.

ಇದು ಅಂದುಕೊಂಡಿರಲಿಲ್ಲ: ಶಶಿಧರ ತೋಡ್ಕರ್, ಧಾರವಾಡ

ಛೇ,ಬೆಂಗಳೂರಿನಲ್ಲಿ ಶರಣ ಶಕ್ತಿ ಸಿನೆಮಾ ಪ್ರದರ್ಶನದಲ್ಲಿ ಪರಸ್ಪರ ಭೇಟಿಯಾಗಿ ಅಕ್ಕಪಕ್ಕದಲ್ಲಿಯೇ ಕುಳಿತು ಸಿನೇಮಾ ನೋಡಿದ್ದೆವು. ಅವರು ತಮ್ಮ ಕುಟುಂಬ ಸದಸ್ಯರೊಂದಿಗೆ ಅಲ್ಲಿಗೆ ಬಂದಿದ್ದರು. ಬಯಲು ಅವರನ್ನು ಇಷ್ಟು ಬೇಗ ಅಪ್ಪಿಕೊಳ್ಳುತ್ತದೆಂದು ಅಂದುಕೊಂಡಿರಲಿಲ್ಲ. ಶರಣು ಶರಣಾರ್ಥಿಗಳು.

ನಮ್ಮೆಲ್ಲರ ಜವಾಬ್ದಾರಿ ಹೆಚ್ಚಾಗಿದೆ: ಸಂಗಮೇಶ ಕಲಹಾಳ, ಕೊಪ್ಪಳ

ಬಸವಸ್ವರೂಪಿ, ಕರ್ನಾಟಕದ ಶರಣತತ್ವ ಬೋಧಕ, ನಿಜಾಚರಣೆ ಶಿವಯೋಗಿ, ನಮ್ಮ ನಿಮ್ಮೆಲ್ಲರ ಅಣ್ಣ ಮಹಾಶರಣ ವೀರಭದ್ರಪ್ಪ ಅಣ್ಣನವರು ಬೆಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಲಿಂಗೈಕ್ಯರಾದರೆಂದು ತಿಳಿಸಲು ತೀವ್ರ ದುಃಖವೆನಿಸುತ್ತದೆ. ನಮ್ಮೆಲ್ಲರ ಜವಾಬ್ದಾರಿ ಹೆಚ್ಚಾಗಿದೆ. ಅವರ ಮಾರ್ಗವನ್ನು ಮುನ್ನಡೆಸೋಣ. ಶರಣು ಶರಣಾರ್ಥಿಗಳು

ಮಹಾಲಿಂಗದೊಳು ಐಕ್ಯಗೊಳ್ಳಲಿ: ಪೂಜ್ಯ ಜಗನ್ನಾಥಪ್ಪ ಪನಸಾಳೆ, ಕರಾವಳಿ

ಶರಣ ವೀರಭದ್ರಪ್ರ ಕುರಕುಂದ ಅಣ್ಣವರ ಲಿಂಗಪ್ರಾಣವು ಪ್ರಾಣಲಿಂಗಗೊಂಡು ಮಹಾಲಿಂಗದೊಳು ಐಕ್ಯಗೊಳ್ಳಲಿ ಎಂದು ಪ್ರಾರ್ಥಿಸಿದ್ದೆವೆ, ಶರಣಾರ್ಥಿ.

ಪೂಜ್ಯ ಜಗನ್ನಾಥಪ್ಪ ಪನಸಾಳೆ
ಅಲ್ಲಮಪ್ರಭು ಪೀಠ, ಕರಾವಳಿ

ದಾರಿ ತೋರಿದರು: ಪೂಜ್ಯ ಕೊರ್ಣೇಶ್ವರ ಸ್ವಾಮೀಜಿ, ಆಳಂದ

ವೀರಗಣಾಚಾರಿ, ಬಸವನಿಷ್ಠ, ಶರಣ ಜಂಗಮ, ವೀರಭದ್ರಪ್ಪ ಕುರುಕುಂದರವರು ಲಿಂಗೈಕ್ಯರಾದ ಸುದ್ದಿ ಕೇಳಿ ಮನಸ್ಸಿಗೆ ತುಂಬಾ ಆಘಾತವಾಯಿತು, ಶರಣ ಚಳುವಳಿಯ ಅನುಭಾವಿ ಹಿರಿಯ ಜೀವಿಯನ್ನು ಕಳೆದುಕೊಂಡಂತಾಯಿತು. ಸಂಚಾರಿ ಶಿವಾನುಭವದ ಮುಖಾಂತರ ಬಸವ ತತ್ವವನ್ನು ಹಳ್ಳಿಹಳ್ಳಿಗೆ ಮುಟ್ಟಿಸುವ ಕಾರ್ಯ ಮಾಡಿ ಅದರ ಮುಖಾಂತರ ಸಿಂಧನೂರಿನಲ್ಲಿ ಹಾಸ್ಟೆಲ್ ಸ್ಥಾಪನೆ ಮಾಡಿ ವಿದ್ಯಾರ್ಥಿಗಳಿಗೆ ಉಚಿತ ದಾಸೋಹ ಸೇವೆಗೈದು ಜೊತೆಗೆ ಶರಣ ಧರ್ಮದ ಸಂಸ್ಕಾರವನ್ನು ಕೊಟ್ಟು ಉತ್ತಮ ಮನುಷ್ಯರಾಗಿ ಬದುಕಲು ದಾರಿ ತೋರಿದಂತ ಮಹಾನ ವ್ಯಕ್ತಿಯಾಗಿದ್ದರು,
ಆ ಮಹಾನ ಶರಣ ಶಕ್ತಿಗೆ ಭಾವಪೂರ್ವಕ ಕೋಟಿ ಕೋಟಿ ನಮನಗಳು.

ಪೂಜ್ಯ ಕೊರ್ಣೇಶ್ವರ ಸ್ವಾಮೀಜಿ, ಆಳಂದ, ತೋಂಟದಾರ್ಯ ಅನುಭವ ಮಂಟಪ

ಮರಣವೇ ಮಹಾನವಮಿ: ಶ್ರೀಶೈಲ ಜಿ. ಮಸೂತೆ

ಶರಣ ಶ್ರೀ ವೀರಭದ್ರಪ್ಪ ಕುರುಕುಂದ ಅವರ ಅಗಲುವಿಕೆ ಶರಣ ಬಂಧುಗಳಿಗೆ ತುಂಬಲಾರದ ನಷ್ಟವಾಗಿದೆ. ನಡೆ-ನುಡಿ ಸಿದ್ದಾಂತದ ಶರಣ ಜೀವನ ಸವೆದ ಶರಣರ ಮಾರ್ಗದರ್ಶನ ಇನ್ನಿಲ್ಲವಾಗಿದೆ. ಶರಣರಿಗೆ ಮರಣವೇ ಮಹಾನವಮಿ. ಬಯಲೊಳಗೆ ಬಯಲಾದ ಶರಣ ಚೇತನಕ್ಕೆ ಶರಣು ಶರಣಾರ್ಥಿ. ಶರಣ ವೀರಭದ್ರಪ್ಪನವರ ಅಗಲುವಿಕೆ ದು:ಖ ಭರಿಸುವ ಶಕ್ತಿ ಬಸವಾದಿ ಶರಣರು ಅವರ ಕುಟುಂಬ‌ವರ್ಗದವರಿಗೆ ಕರುಣಿಸಲಿ ಎಂದು ಪ್ರಾರ್ಥಿಸುತ್ತೇನೆ.
ಶ್ರೀಶೈಲ ಜಿ. ಮಸೂತೆ
ಲಿಂಗಾಯತ ಧರ್ಮ ಅಧ್ಯಯನ ಕೇಂದ್ರ, ಬೆಂಗಳೂರು

ಜಂಗಮ ತತ್ವದ ಅಣ್ಣಾ: ವಿಶ್ವಗುರು ಬಸವೇಶ್ವರ ಟ್ರಸ್ಟ್, ಕೊಪ್ಪಳ

ಜಂಗಮ ತತ್ವದ ಅಣ್ಣಾ,
ಅಪ್ಪ ವೀರಭದ್ರಪ್ಪ ಅಣ್ಣಾ.

ಎರಡು ದಿನಗಳಿಂದ ಅವರ ಆರೋಗ್ಯದ ಸ್ಥಿತಿ ಚಿಂತಾ ಜನಕ. ಆ ಸುದ್ದಿ ಕೇಳಿದಾಗಲಿಂದ ಏನೋ ಒಂದು ಕಳವಳ, ಹೀಗೆ ಏಕೆ ಆಗುತ್ತಿದೆ ಎಂಬ ಹೃದಯ ಹಿಂಡುವ ಭಾವ.

ಗುರು ಬಸವಣ್ಣನವರ ಜಂಗಮ ತತ್ವದ ಮೂರ್ತಿ ರೂಪವೇ ಆಕಾರವೇ ಅಪ್ಪ ವೀರಭದ್ರಪ್ಪನವರು ಆಗಿದ್ದರು,

ಕರ್ನಾಟಕದ ಪ್ರತಿ ಮೂಲೆ ಮೂಲೆಯಲ್ಲಿ ಸಂಚರಿಸಿದ್ದರು.

ನಮ್ಮ ಕೊಪ್ಪಳ ಜಿಲ್ಲೆಯ ಬಸವ ಬಂಧುಗಳ ಮೇಲೆ ಅಪಾರವಾದ ಪ್ರೀತಿ, ಅದರಲ್ಲೂ ಯಲಬುರ್ಗಾ ತಾಲೂಕಿನ ಬಹಳಷ್ಟು ಹಳ್ಳಿಗಳಲ್ಲಿ ಸಂಚರಿಸಿದ್ದಾರೆ, ಬಸವ ತತ್ವವನ್ನ ಹರಡಿದ್ದಾರೆ, ಬಸವತತ್ವ ಸಂಘಟನೆಯ ಪ್ರೇರಣಾ ಶಕ್ತಿಯಾಗಿ ನಿಂತಿದ್ದಾರೆ.

ಅವರ ದೈಹಿಕವಾದ ಅಗಲಿಕೆ ನಮ್ಮ ಇಡೀ ಬಸವ ತತ್ವದ ಲಿಂಗಾಯತ ಧರ್ಮಕ್ಕೆ ತುಂಬಲಾರದ ನಷ್ಟವಾಗಿದೆ.

ಅವರ ಇಡೀ ಬದುಕೆ ನಮಗೆ ಆದರ್ಶ.

ಅಪ್ಪಾಜಿ ನಿಮಗೆ ಭಾವಪೂರ್ಣ ಶರಣು ಶರಣಾರ್ಥಿಗಳು

ವಿಶ್ವಗುರು ಬಸವೇಶ್ವರ ಟ್ರಸ್ಟ್, ಕೊಪ್ಪಳ

ಸ್ಮರಣೆ: ಚಾಮರಾಜನಗರದಿಂದ ಬೀದರವರೆಗೆ ದುಡಿದ ನಿಜಾಚರಣೆ ಯೋಗಿ

ಸ್ಮರಣೆ: ಬಸವಮಯ ಬದುಕು ನಡೆಸಿದ ಗಟ್ಟಿ ಗಣಾಚಾರಿ ಅಪ್ಪ ವೀರಭದ್ರಪ್ಪ ಕುರಕುಂದಿ

ಸ್ಮರಣೆ: ದೇವಿ ಪಾರಾಯಣ ಮಾಡಿದವರು ಬಸವಣ್ಣನವರನ್ನು ಅಪ್ಪಿಕೊಂಡರು

ಸ್ಮರಣೆ: ‘ಮೌಢ್ಯ ವೀರಶೈವರ ನಾಡು’ ಕಳಂಕ ಅಳಿಸಿದ ವೀರಭದ್ರಪ್ಪ ಕುರಕುಂದಿ